NAKASULOD sa top three ang duha sa dekalidad nga long distance runners sa Sugbo nga sila si Prince Joey Lee ug Azlan Pagay sa Laguna Phuket Marathon 2019 sa Thailand niadtong Dominggo, Hunyo 9.
Si Lee miangkon sa ikaduhang dapit sa men’s 21-kilometer race pinaagi sa oras nga 1:14:00 sunod sa kampiyon nga usa sab ka Pinoy nga si Richard Solano, kinsa adunay oras nga 1:13:25.
Sa iyang bahin, si Pagay milabni sa ikatulong dapit sa men’s 42K race pinaagi sa oras nga 2:41:20.
Ang 7-Eleven team, nga maoy nagrepresentar sa Pilipinas, nakadaog og gold medal sa women’s 21K category pinaagi ni Christine Hallasgo, kinsa adunay oras nga 1:25:28. (RSC, ESL)