Kausaban sa Patria gitugotan sa NHCP

MAGPABILIN: Kini ang atubangan nga bahin sa Patria de Cebu nga magpabilin aron pagpreserbar sa bahandi sa kasaysayan apan, ayuhon uban sa pagtukod sa bag-ong edipisyo sa dapit sa Cebu Landmaster, Inc. (Arni Aclao)
MAGPABILIN: Kini ang atubangan nga bahin sa Patria de Cebu nga magpabilin aron pagpreserbar sa bahandi sa kasaysayan apan, ayuhon uban sa pagtukod sa bag-ong edipisyo sa dapit sa Cebu Landmaster, Inc. (Arni Aclao)

HUMAN sa taastaas nga panahon nga nisuki ang heritage stakeholders sa Sugbo kabahin sa plano nga usbon ang Patria de Cebu, atong nasayran nga nausab na ang plano.

Dayon, kining labing ulahi nga plano nagbasi sa commitment nga di mahilabtan ang main Patria building. Kining maong desenyo i-integrate sa mixed-use development nga maka-revitalize sa downtown area sa Syudad sa Sugbo.

Gani, naaprubahan na sa National Historic Commission of the Philippines (NHCP) kining plano nga ipabilin ang main Patria building, dili lang ang atubangan, sa final design. Buot ipasabot, gitinguha nga dili mahilabtan ang heritage sa maong building.

Ang naaprubahan nga building design resulta sa tinabangay sa Archdiocese of Cebu, Cebu Landmasters Inc. (CLI), ug ubang mga stakeholders, nagkanayon si CLI presidentug CEO Jose Soberano III.

“Pinaagi niining maong proyekto, atong saulogon ang kasaysayan ug kultura sa Sugbo,” matod ni Soberano.

Ang CLI nianunsyo sa miaging October 2018 sa partnership niini sa Archdiocese of Cebu sa pagpalambo sa maong edipisyo. Dayon, mo-operate ang CLI og usa ka mixed-use development sa maong property nga dunay kadak-on nga 6,670 square meters sulod sa 40 ka tuig.

Kining maong proyekto nga mokantidad og P999 milyones, magsilbi unya nga sentro sa kasaulogan sa ika-500 nga kasaulogan sa Kritiyanismo sa nasod.

Samtang ang uban moisip niining 2021 nga selebrasyon lang dinhi sa Sugbo, kon buot hunahunaon, ang Sugbo nahimong Cradle of Christianity sa tibuok Southeast Asia human naabot si Ferdinand Magellan sa Sugbo kaniadtong 1521.

Usa kini ka global event.

Si Fr. Brian Brigoli, chairman sa Cebu Archdiocesan Commisson for the Cultural Heritage of the Church, nagkanayon ang maong pagpabilin sa orihinal nga edipisyo produkto sa dialog sa mga lainlaing stakeholders.

Usa sa importanteng punto sa desinyo mao ang central nga interior courtyard alang sa mga open-air events.

Samtang wala makatambong kagahapon ang pipila nga ubang nireklamo nganong usbon ang Patria de Cebu, atong napangutana ang usa sa mga tinahod nga historian sa Sugbo nga si Jobers Bersales sa University of San Carlos.

Ug nakanayon si Jobers, nga didto sa press conference kagahapon, nga wala nay sami ang pagpadayon sa maong proyekto. Mao sab ang panahom ni Joe Soberano dihang atong nahinabi human sa maong press conference.

Hinuon, nagkanayon si Soberano nga nanghinaot siyang motambong ang uban pang mga nireklamo sa miaging pipila ka buwan.

Bisan pa malaumon si Soberano nga sa ngadto-ngadto, magkaabot ra sila aron matapos na ang maong isyu. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph