PINASIKAD sa search warrant gironda ang buhatan sa Kapa Community Ministry International, Inc. nga nahimutang sa Zone-5, Barangay Igpit, Lungsod sa Opol Misamis Oriental.
Ang search warrant giisyu gikan sa National Capital Judicial Region, Regional Trial Court sa Branch 20, Manila ni first executive Judge Marivic Umali.
Subject sa warrant mao si Analiza Dangcalan kinsa nagsillbing area manager sa Kapa.
Apan atol sa pagsilbi sa search warrant nga gilangkoban sa National Bureau of Investigation isip nangulo sa operasyon kauban ang Criminal Investigation and Detection Group CIDG-Northern Mindanao ug Securities and Exchange Commission (SEC), naabtan sa mga operatiba si Dangcalan apan nakuha sa mga operatiba ang tanan nga mga gamit nga nakalatid sa search warrant nga kumpiskahon sama sa membership forms, cash money nga nakolekta gikan sa ilang mga investor ug kliyente.
Lakip ang mga notebook, ledgers ug mga book of accounts ingon man mga dokumento nga gigamit sa mga transaksyon.
Si NBI-Northern Mindanao Regional Director Patricio Bernales Jr. niingon nga padayon pa ang ilang inventory sa tanan mga items nga nakumpiska.
Gitouhan niining kon adunay niinvest niini og 6,000 ka miyembro unya P5,000 ang giinvest posibleng moabot ngadto sa P30 milyon ang nakolekta.
Gidudahan niining sobra pa niana tungod kay adunay mga investor nga dagko og gipang invest.
Giawhag ni Bernales ang mga investor na mopasaka og kaso sa kadagkoan sa Kapa.
Dugang sab niini nga bisan wala ang subject sa warrant mahimo nilang i search ang buhatan basi sa nakalatatid sa korte nga ila lamang gituman.
Ang mga nakumpiska dako na nga ebidensya aron hingpit nga mapasakaan og kaso ang midumala niini.
Gikumpirma sab sa SEC nga dili kini rehistrado sa ilang buhatan.
Kahinumduman halos tibouk buhatan sa Kapa sa nasod sa Pilipinas ang gioperasyunan nga ironda human sa kamandoan ni Presidente Rodrigo Duterte nga ipasira.