NAGPAHIMANGNO ang tsirman sa komitiba sa panglawas sa konseho sa Siyudad sa Cagayan de Oro ngadto sa mga ginikanan sa panglawas sa ilang mga anak ning panahon sa ting-ulan.
Dili angay kalimtan sa mga ginikanan ang pagpa-inom sa mga anak og vitamin C lakip na daghang tubig ug mga pagkaon nga makapahimsog sa panglawas.
Sa pakighinabi kang Konsehal Ma. Lourdes Gaane, tsirman sa committee on health, gibutyag nga sagad masinatian nga sakit sa pag-ulan mao ang ubo ug sip-on hinungdan nga angayang mokaon og mga pagkaon nga makapalig-on sa sistema ang mga bata.
“This is more on virus so likayan gyud ni siya, ang pinaka-importante is healthy lifestyle gyud kay once mobaba ang imong immune system dali ra kaayo ka matakdan dayon,” matud ni Gaane.
“Kay viral man ni likayan dapat nato, number one is eating the right food, healthy diet kung moingon tag vitamins akong gi-suggest is ascorbic acid naa man pud affordable sa plus increase fluids gyud wala gyuy pildi sa tubig,” dugang niini.