ADUNAY sesyon nga nahitabo niadtong adlaw’ng Lunes, Hunyo 10, sa hawanan sa Provincial Board.
Wala gihapon si Cagayan de Oro Vice Governor Joey Pelaez kay anaa sa official business lakip ang bag-ong napili nga bise gobernador nga si Jigjag Pelaez.
Kahinumduman nga sugod pa sa kampanya pipila sa mga board member ang wala na makatunga sa matag sesyon ug adunay pipila ka higayon nga dili gaka qourom.
Si Board Member Enting Pelaez maoy nag preside sa sesyon.
Ang anaa sa sesyon mao sila si board member Gerardo Sabal, Prexy Elipe, Leonard Winstanley, Nancy Madjos, Gagay Acain, ug Kerwin Soldevilla.
Nahatagan og privilege speech si Board Member Elipe kinsa nipaabot nga unta klaruhon kini pag-ayo ang mga official business sa mga board member tungod kay naandan na sa pipila nga himuon kini nga rason aron dili makatunga sa sesyon matag adlaw’ng Lunes nga mao unta ang responsibilidad isip pinili sa katawhan.
Dugang ni Elipe nga unta mao kini ang himuon sa mga sunod nga mga board member.
“Ako wala naman ko sa Hulyo, ang akoa lang nga klaruhon na nia ang mga official business kay magsige naman lang unya dili na makatunga,” matud ni Elipe butang nga giuyonan sab ni Board Member Sabal nga magbutang og dakong board gawas sa session hall ug ipamutang ang attendance sa mga board member nga mitunga sa sesyon.
Lakip sab sa gisugyot nga tanang mga resolution nga gipasa ang ipahimutang sa gawas alang sa transparensya.
Ang tanan nga mga sugyot ang gilatid alang sa dugang hisgotanan.