MANILA--Nakatsikahan namo ang 12 years old nga bagets actress nga si Rhed Bustamante dili pa lang dugay sa dihang nipirma siya og 2-year management contract under Mannix Carancho Artist and Talent Management.
Bongga si Rhed tungod kay nagpabilin siya sa Ang Probinsyano. Dungan sila ni Mystica nga dugay nang gitsugi pero si Rhed bongga ug ang eksena niya, sa Malacanang na siya nagpuyo karon.
Gipangutana si Rhed kung di ba niya na miss si Mystica nga naging nanay niya for a while sa AP. “Oo naman, na-miss ko siya pati na ang iba pang mga nawala sa Ang Probinsyano,” matod ni Rhed.
Gusto ni Rhed nga makatrabaho ang iyang idol nga si Robin Padilla. Halos tanan kunong pelikula ni Robin natan-aw na ni Rhed.
Medyo okey-okey na sad kuno ang kinabuhi karon ni Rhed unlike before nga nagtinda sila sa kilid sa relis ng tren.
Nigawas na si Rhed sa pelikulang Seklusyon ug nagbida na sad siya sa teleserye, sa Maria Leonora Teresa.
Gipanggutom
Salbahis pala sa iyang mga katabang ang usa ka sikat nga female singer tungod kay super budgeted ang ilang pagkaon. Kon may biyahe siya sa abroad, kulang ang iyang ibiling kwarta sa iyang 3 ka mga katabang para sa ilang pagkaon.
Naka-lock sad ang ref kung molakaw siya. One time, gigutom na kaayo ang iyang 3 ka katabang kay wala pa siya mouli gikan sa abroad. Ang gihimo nila, nangayo na lang sila og pagkaon sa tapad nga balay ug naluoy naman ang tag-iya niini so samtang wala pa si female singer, siya ang nagpakaon sa kanila.
Wa say salig si female singer sa iyang mga katabang. Kon pananglit sugoon niyang manyanggi ang iyang katabang ug papaliton og baboy, pag-abot sa balay timbangon pa kuno og usab ni female singer ang napalit nga baboy kay may kaugalingon siyang timbangan. Usahay may daya ang timbangan sa merkado, so siyempre pag tinimbang niya kuwang ug ang makaluluoy ang iyang gisugo.
Kinsa si female singer nga gipanggutom ang iyang mga katabang ug way salig sa iyang mga maid? Sikat gihapon siya sa kasamtangan, may mga concert pa rin siya here and abroad ug class siyang mag-perform.