“GIKALIPAY nako ug dako nga bisan paman sa akong kapansanan, dako ko ug gikatampo sa among komunidad,” matod ni Alejandrino Luzano.
Si Alejandrino, tawgon nga “Manoy” sa komunidad, gipili nga chairperson sa Barangay Sub-Project Management Committee (BSPMC) for the implementation and installation sa 30 ka in-grid solar streetlights, isip ilang sub-project sa komunidad.
Ang BSPMC usa ka komitiba nga nag-atiman sa kinatibuk-ang pagdumala sa sub-project.
Kini maglatid og mga polisiya ug maghimo og hukom alang sa proyekto.
Nag-atiman sa pagpatuman sa sub-project, monitoring, maintenance ug sustainability sa pagtapos sa proyekto.
Bisan sa iyang kondisyon, siya nidawat ug relihiyusong pagdumala sa team.
“Akong gigamit akong kakayahan aron ipakita nila nga kaming mga disable dili louy, kon dili special kami, aduna kami mga abilidad nga kayang buhaton," matod ni Alejandrino.
Si Alejandrino nag-antos sa Poliomyelitis o komon nga naila nga Polio sa edad nga 4-anyos. siya naparalisar ug uban sa iyang pag-abag sa mga apohan nga nagbayad sa iyang therapy, nakabarog siya ug makalakaw apan naapektohan ang iyang mata sa congenital cataract.
Apan makalabang siya sa tanang mga pagsuway sa kinabuhi.
“Ang Kalahi-CIDSS mao ang nagpukaw sa akong pag hikatulog, mao kini ang naghatag sa ako ug opportunidad, mao na nga magpadayon gihapon ko sa pag bulontaryo Kalahi-CIDSS has awakened,” matod ni Alejandrino.
Gawas nga aktibo isip chairperson sa Kalahi-CIDSS, siya usab ang presidente sa Oslob Municipal Federation of Persons with Disability ug nakaorgansiar sa PWD association sa tanang 18 ka barangays.
Madasigon siya nga nagsilbi sa sektor nga nasakop ug nagdasig sa ubang PWDs nga dili maguol sa kahimtang. (PR)