11,000 ka mga trabaho naghuwat: Dole 7

ADUNA’Y 11,672 ka mga bakante nga trabaho ang tanyag sa Department of Labor and Employment (DOLE) 7 atol sa selebrasyon sa Independence Day karong adlawa, Hunyo 12 (Miyerkules).

Ang pipila ka mga dapit nga mopahigayo og jobs fair mao ang dakbayan sa Lapu-Lapu, Negros Oriental, ug Bohol.

nga ubos sa Public Employment Service Offices (PESO).

Matod ni Regional Director Salome Siaton nga sa Lapu-Lapu City adto kini himuon sa Hoops Dome sa Humay-Humay Road diin kaabin niini ang Trabaho, Negosyon, Kabuhayan (TNK) Job and Business Fairs.

Sa 7,090 ka mga bakante nga trabaho, 2,650 niini gikan sa 21 ka mga employer alang sa lokal nga trabaho ug 4,440 alang sa gusto nga molangyaw.

Sa Negros Oriental, laing local ug overseas job fair ang himuon sa Lamberto L. Macias Sports and Cultural Center diin 2,684 usab ka trabaho ang gitanyag, 1,841 niini alang sa lokal ug 843 alang sa overseas.

Sa Bohol aduna’y 1,898 ka trabaho ang bakante, 601 niini kinahanglan sa lokal ug 1,297 sa laing nasod.

Sagad sa gikinahanglan sa lokal mao kining customer service representatives, production workers, sales and marketing assistants, technical sales associates ug electronic assemblers.

Sa laing nasod mao ang mga trabaho susama sa factory workers, cleaners, nurses, laborers, waiters, waitresses, ug assistant nurses. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph