‘Thrilla in Davao’ sa Hunyo 15 na

USA ka dakong boxing match nga gitawag og “Thrilla in Davao” diin moaway ang American heavyweight boxer Ronald “The American Dream” Johnson kontra Bolivian Saul “Farrah” Becerra ang masaksihan sa mga Dabawenyo, Hunyo 15 sa Enderun Tent inside Azuela Cove, dinhi sa siyudad sa Davao.

“It should be over in two rounds,” ni Johnson nga nagkabiba sa 15 ka daug, 1 ka pildi ug 0 draw record.

Siya sab kasamtangang three-time heavyweight champion.

“He’s (Johnson) gonna find a big surprise,” suma ni Becerra nga nag-Inispanyol, ug gihubad sa iyang trainer.

Si Becerra nga nailhang Phoenix Assassin may 63 ka daug ( 60 knockouts), 23 ka pildi ug duha ka draw.

Ang labing una nga heavyweight fight sa Davao City inspired sa inilang 1975 Thrilla in Manila ang giorganisa sa Red Boxing International Inc.

Ilugan sa duha ang Global Boxing Organization Heavyweight Title.

Si Rey Rodis, chairman sa Red Boxing International nagsulti nga buot niyang himuon ang siyudad nga ‘sports tourism destination’ sa pagpahigayon sa bugno.

“This the first international heavyweight title event in the country after the Thrilla in Manila,” ni Rodis.

Ang Thrilla in Manila usa ka iconic boxing championship event diin nakita dinhi sila Mohammad Ali nga mipahagba ni Walt Frazier sa 15-round match sud sa Araneta Coliseum.

Ang June 15 boxing clash ang by-invitation only nga akibidad, diin mga organizers midapit nila President Rodrigo Roa Duterte, Senators-elect Bong Go ug Ronald dela Rosa.

Ni Rodis nga gihangyo sab nila ang Office of the City Mayor Sara Duterte alang sa live-feed facilities sa Rizal Park ug Peoples Park diin mga tawo mamahimong makalantaw sa aktibidad. (RG Alama/PIA-Davao)