SECTIONS
Wednesday, July 24, 2019
SUPERBALITA CEBU

Organico, Ada gironda

BISAN kon duha ka mga buhatan sa Organico Agribusiness Venture Corp. sa Sugbo gironda sa mga awtoridad sa Martes sa buntag, Hunyo 11, 2019, duna gihapoy paglaum nga makakuha sa ilang puhonan ug ginansya ang ilang mga miyembrong investor.

Sa raid sa ilang buhatan sa Crown 7 bldg., Juan Luna avenue, Dakbayan sa Sugbo, wa nay naabtan ang Criminal Investigation and Detection Group CIDG) 7 nga niabag sa Securities and Exchange Commission (SEC) sa pag-raid.

Apan dunay nakapaskin nga instruction sa ilang mga miyembro unsay buhaton aron ilang makuha ang puhonan ug payout kun ginansya.

Ang instruction naghisgot og personal dashboard nga maoy sudlan. Sunod, i-click ang payout coins.

Pilion ang cash. Sunod pilion mao ang sanga ug ibutang kon pila ang kuhaon nga kwarta.

Apan makuha lang kini pinaagi sa dashboard request.

Kinahanglan dunay printed nga purchase voucher.

Nagkinahanglan usab og duha ka valid nga identification (ID) card sa gobyerno uban sa tunghaan o trabahoan.

Human manira ang buhatan sa Organico sa Dakbayan sa Mandaue niadtong Lunes sa buntag, Hunyo 10, 2019, ug sa raid kagahapon, daghan sa mga investor ang nabalaka sa ilang kwarta.

Sa pagbisita sa Superbalita Cebu niadtong Lunes sa laing buhatan sa Organico sa Dakbayan sa Mandaue niadtong Lunes sa hapon, ang duha ka nahabiling mga gwardya nihatag og mga cellphone number nga ma-contact.

Gipasaligan

Nagdumili sa pagluwat og pamahayag ang kadagkoan sa Organico human gironda ang ilang buhatan sa ikatulong andana sa Crown 7 building kagahapon sa buntag.

Gisuwayan sa pagkuha sa Superbalita Cebu ang ilang habig apan walay bisan usa ang nitubag nga makapasabot unsay mahitabo sa mga tawo nga naka invest sa baktin nga adunay schedule nga payout karong adlawa.

Apan usa sa mga kustomer sa Organico nga di magpahingalan nagkanayon nga gipasaligan sila sa chief executive officer niini nga dili mabalaka kay ang kompaniya di modagan sa mga nakapalit nag baktin.

Kadtong miabot na sa 90 ka adlaw ug aduna nay naka schedule nga bayran, magpaabot sila og 10 ka adlaw tungod kay gi-asikaso pa sa management ang Securities and Exchange Commission.

“Mipasalig man ang CEO nga paaboton sa daw ang 10 days. Sa pagkakaron, wala usay payout while naa pay problema ang Organico sa SEC,” matod ni Angel (di tinuod niyang ngan).

Tungod sa pag ronda sa mga sakop sa CIDG 7 uban sa Anti Cyber-Crime Group 7, nabalaka sila nga dili na mabalikan sa ilang kwarta.

Pakihaon

Matod ni Lester Bautista, securities specialist sa SEC sa kaulohan, nga mahimong mopasakag kaso ang mga tawo nga naka invest na sa Organico isip damages.

“Sa mga investor po, they may file their own action po more on estafa. Pwede silang mag file ng kanya kanyang kaso through their private lawyer po and pag estafa po , they will ask for damages,” matod ni Bautista.

Wa nay naabtan nga mga empleyado sa Organico ang CIDG-7 tungod kay sa miaging adlaw sila na mismo ang nisira sa ilang opisina samtang wa pa nila malihok ang problema sa SEC.

Dala sa kapulisan ug sa SEC sa kaulohan ang search warrant nga giluwatan sa korte batok sa Organico.

Matod ni Police Major Nino Briones, hepe sa CIDG Cebu City, nga tungod kay way naabtan nga nagdumala, ilang kuhaon ang mga computer ug uban pang mga dokumento nga maoy gisugo sa korte.

Mga acknowledgement receipts ug voucher lakip na ang kwarta nga kita sa kompaniya tungod kay wa sila tugti nga makahimog investment business.

Dugang ni Bautista nga nakalapas sa lagda sa SEC ang Organico ilabi na nga adunay investment nga gihaylo sa publiko pinaagi sa baboy.

Giangkon ni Bautista nga narehistro sa SEC isip korporasyon ang Organico apan wa silay permit nga mohimong investment nga mangayog kwarta sa publiko nga maoy hinungdan nga mipagawas silag advisory.

ADA

Ang CIDG 7 ug Regional Anti-Cybercrime operatives ningsakmit usab sa mga dokumeno ug ubang mga galamiton gikan sa duha ka mga buhatan sa Ada Farm Agriventures sa Barangay Guizo, Mandaue City, sa Martes, Hunyo 11, 2019.

Usa ka search warrant ang giluwatan ni Manila Regional Trial Court (RTC) Branch 20 Judge Marivic Umali sa Hunyo 7, Biyernes, batok sa Ada, gipanag-iya sa usa ka Adrian Dominic Ang, sa paglapas sa Securities Regulation Code.

Ilang nasakmit ang draft contracts, official receipts, logbooks, bank books, security cameras, transaction forms, telephones, personal computers, calculators, ug ubang office supplies gikan sa duha ka mga buhatan sa Ada. Nakasakmit usab sila og way sud nga vault.

Way staff sa ADA nga diha atol sa search operation.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph