ANG GMA Network, padayon sa pagpanghakot og pag-ila sa internasyunal nga luna, diin ning uwahi miangkon sila og 10 ka medalya ug 6 ka sertipiko sa 2019 U.S. International Film & Video Festival - apil na dinhi ang tulo ka gold medals ug duha ka “Best of Festival” nominations.
Duha ka Gold Camera Awards ang nakuha sa monthly documentary program The Atom Araullo Specials ni Atom Araullo.
Ang “The Atom Araullo Specials: BABIES FOR SALE.PH” mipildi sa ubang entries sa Documentary: Investigative/Special Reports category.
Ang “The Atom Araullo Specials: BABIES FOR SALE.PH” nominee sab sa “Best of Festival” Awards-Documentary category.
Ang “The Atom Araullo Specials: No Leftovers” midaug og Gold Camera Award sa Documentary: Social Issues category.
Ang ikatulong Gold Camera Award alang sa “Bawal ang Pasaway kay Mareng Winnie: Nadenggoy ng Dengvaxia?” nga midaug sa Documentary: Interview category.
Ang “Bawal ang Pasaway kay Mareng Winnie: Nadenggoy ng Dengvaxia?” miangkon sab og nominasyon sa “Best of Festival” Awards-Documentary category.
Ang late-night newscast Saksi miangkon og Silver Screen Award, sa Breaking News Stories sa “Typhoon Ompong (Mangkhut) Coverage”.
Mipauli sab sa Silver Screen Award ang news magazine program Kapuso Mo, Jessica Soho (KMJS) ni Jessica Soho.
Nakuha sab ang laing Silver Screen Award sa I-Witness.
“Ang Islang Walang Lupa” documentary ni Howie Severino girekognisa sa Documentary: Environment, Ecology category.
Mikuha sab sa Silver Screen Award ang Front Row’s “Pasan”, nga midaug sa Documentary: Biography category.
Samtang ang “Debate 2019: The Senatorial Face-off” mikuha sa Silver Screen Award sa Documentary: Political Campaigns category.
Ang GMA’s Entertainment Group may Silver Screen award sa weekly infotainment show I-Bilib.
Ang GMA News TV’s Investigative Documentaries nga “Piitan” series midaug sa Documentary: Social Issues category.
Luyo sa 10 ka medalya, ang GMA Network midawat sa unom ka “Certificate for Creative Excellence” alang sa mosunod: 24 Oras’ “Natonin Landslide Coverage” (Documentary: Continuing News Stories); Front Row’s “Nebulizer” (Documentary: Social Issues category); “Onanay” (Entertainment: Drama category); Reel Time’s “Fearless” (Documentary: Biography category); Idol sa Kusina (Entertainment: Cooking category); ug GMA News and Public Affairs’ Eleksyon 2019 advocacy campaign, “Pusuan ang Totoo” (Corporate: Public Relations category).