SUPERBALITA DAVAO

10 balay gilubok sa buhawi

M’LANG, North Cotabato -- Gikuso-kuso ang napulo ka balay sa makusog nga hangin alas 6:05 sa gabii, Lunes, Hunyo 10.

Sa taho gikan sa North Cotabato Provincial Disaster Risk Reduction and Management Office, nasayran nga giigo sa naghaguros nga buhawi ang Barangay Buayan sa lungsod dungan sa pagbundak sa ulan.

Napulo ka mga balay gilampurnas niini kon diin ang uban nadat-ugan sab sa mga punoan sa lubi ug kahoy nga nangatumba.

Apan suwerte na lang nga way namatay o naangol sa mga maong kalamidad.

Nasayran nga matag karon ug unya sulod sa usa ka semana nakasinati og kusog nga hangin ug ulan ang probinsiya.

Gibaha sab ang mga ubos nga dapit sa North Cotabato human niawas ang mga kasapaan.

Hinuon gitakda nga mag-apud-apod og hinabang ang lokal nga panggamhanan sa probinsiya sa mga biktima sa maong kalamidad. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph