Adlaw sa Kagawasan gihandom sa Misamis Oriental

CAGAYAN DE ORO. Liboan nga nilung-ag nga itlog atol sa kasaulogan sa ika-121 Independence Day sa nasud ang gipakaon sa mga nisalmot sa kasaulogan atol sa Kiosko, Kagawasan, Divisoria ning siyudad sa Cagayan de Oro. (Kris C. Sialana)
CAGAYAN DE ORO. Liboan nga nilung-ag nga itlog atol sa kasaulogan sa ika-121 Independence Day sa nasud ang gipakaon sa mga nisalmot sa kasaulogan atol sa Kiosko, Kagawasan, Divisoria ning siyudad sa Cagayan de Oro. (Kris C. Sialana)

GIHANDOM ug gisaulog ang ika-121st Independence Day sa Provincial Government sa Misamis Oriental adlawng Miyerkules, June 12, 2019.

Unang higayon nga wala makatambong si Misamis Oriental Governor Bambi Emano kinsa pabilin pang nagsubo sa kamatayon sa iyang amahan nga si kanhi mayor ug gobernador Dongkoy Emano nga mipanaw niaging bulan.

Girepresentahan kini ni Board Member Nancy Madjos ug mga kauban sa provincial board sama nila ni Gerardo Sabal, Eric Khu ug Kerwin Soldevilla.

Anaa ang presensya sa mga ulo sa departamento, 4th Infantry Division sa pagpangulo ni 403rd Brigade Commander Colonel Jose Rial ug Police Colonel Rolando Destura gikan sa Misamis Oriental Provincial Police Office.

Naghatag usab og undanon nga mensahe ang guest speaker nga mao si Dr. Lorenzo Dinlayan III.

Si Buboy Sabal nga maoy nihatag og mensahe atol sa adlaw sa kagawasan sa ngalan ni Governor Emano niingon nga sa kasamtangan nga administrasyon mas nabati og maayo ang tinoud nga kagawasan ug kabag-ohan.

“In the last three years, change has slowly happening into the Philippine society, my call to my fellowmen country men let us not give up the chance to take advantage of this change, our country now is reminiscing transformation that we have not seen in forty years,” matud ni Sabal.

Gibutyag niini nga ang isla sa Mindanao nahatagan og dako nga oportunidad ug wala napihig.

“The Island of Mindanao is given the opportunity as an island, as a people, as part of Philippine republic to change not only as a country but also be a part of development of Philippine republic. Change come with a sense of nationalism not with a sense of individualism. If we continue to be individualistic change will not come but if we move in one direction and one voice the voice will become realization,” mensahe niini.

Iyang giawhag ang katawhan nga maghiusa ug dili lamang ang kaugalingon ang huna-hunaon kay walay paingnan niini ang nasod sa Pilipinas.

“Nanghinaot nga sa atong pagbarog ug pagserbisyo sa katawhan maghiusa kita para ang kabag-ohan ug kalamboan nga atong gidamgo atong makab-ot,” matud niini ug miingon nga ang kagamhanang probinsyal sa pagpangulo ni Emano ang padayon sa pagsuporta sa kalamboan sa nasud sa Pilipinas labina sa lalawigan sa Misamis Oriental.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph