SECTIONS
Wednesday, July 17, 2019
SUPERBALITA CEBU

Warriors nadasig

ALANG kang Kevin Durant, ang Golden State Warriors misaad nga ipagawas nila ang tanan nilang ikabuga sa ilang pag-host sa Toronto Raptors ugma (RP time) sa Game 6 sa National Basketball Association (NBA) Finals sa Oracle Arena sa Oakland.

Si Durant mibalik og duwa sa Game 5 apan wala ra magdugay ug nakasinati na sab kini’g laing angol, mas grabe pa nga angol – ruptured right Achilles.

Hinuon, nakaikyas ang Warriors gikan sa sanggot ni Kamatayan ug miposte’g makutas nga kadaugan, 106-105, nga maoy nagpahak bintaha sa Raptors sa best-of-seven series, 3-2.

“We’re going to have to will ourselves for another 48 minutes to stay alive,” matod ni Warriors guard Stephen Curry.

“And whatever it’s going to take from every single guy in our jersey. I don’t know if there’s going to be a speech in the locker room, if there’s going to need to be words at all. We understand the moment and I think we can rally.”

Gilaumang molanat pa og dugay nga panahon una makabalik og duwa si Durant gumikan sa ka grabe sa iyang pagkaangol.

Dili ikalimod nga ang sakripisyong pagduwa ni Durant sa Game 5 bisan tatawng dili pa hingpit ang iyang pagkaalim sa premiro niyang angol nakahatag og dugang kadasig sa iyang mga kauban.

Ning maong duwa, si Durant nakatampo og 11 puntos lakip na niini ang tulo ka three-point shots una kini naangol pagbalik sa sayong bahin sa 2nd quarter.

“We’ll be suiting up in front of Oracle Arena and with the amazing atmosphere and opportunity to play for him, and to kind of honor the sacrifice he made in terms of putting his body on the line,” dugang ni Curry kabahin kang Durant.

“We’re going to give everything we got. We’re going to fight. We’re going to compete.”

Ang laing pambato sa Warriors nga si Klay Thompson mitataw nga ang nahitabo kang Durant naghatag kaniya og dugang kaisog, determinasyon ug kadasig aron makabangon sa kasamtangan nilang sitwasyon.

“It obviously inspires you to play harder knowing your best player can’t be out there,” pasabot ni Thompson.

“You think of him every time you dive for a loose ball or go for a rebound, because I know him and I know how bad he wants to be out there.”

Sa kasaysayan sa NBA Finals, usa ra ka team sa 34 ka mga higayon ang nakabangon gikan sa 1-3 nga biya sa series aron dag-on ang kampiyunato.

Nahitabo kini niadtong 2016 ug sa wala tuyoa, nahilambigit ang Warriors niini diin nagukdan sila sa Cleveland Cavaliers nga milangkat sa labing una nilang kampiyunato sa NBA niadtong higayuna.

Mahimo kaha sa Warriors ang nabuhat sa Cavaliers? Ang kahigayunan ra’y nasayod sa tubag niini. (AP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph