Davis: Lakers o Knicks?

ALANG sa Klutch Sports ug ni Anthony Davis, naa ra sa Los Angeles Lakers ug New York Knicks ang angay nga destinasyon sa All-Star center.

Matod sa The Athletic, si Davis mismo ang nipahibalo sa kasamtangan niyang puwersa nga mao ang New Orleans Pelicans nga naa ra sa Lakers o Knicks ang gusto niyang balhinan.

Ang Pelicans wala pa mawad-i og paglaom ug mosuway kini paghaylo kang Davis nga magpabilin sa higayon nga moabli na ang free agency.

Sa sayo pa, nipadayag nang daan ni Davis nga iyang ikonsiderar ang mga tanyag sa bisan unsang team apan iyang giklaro nga gusto lang siyang magmalampuson isip usa ka basketbolista.

Kon mag-uban sila si Davis ug LeBron James sa Lakers, hayan dili ikamod nga mahimo ang Lakers nga usa ka lehitimong title contender. Hinuon nagdepende pa ang tanan sa mga kasabutan. (AFP, ESL)