SECTIONS
Saturday, September 21, 2019
SUPERBALITA DAVAO

Nangandam na

ANG Davao City rider Maiquel Jawn “Mikee” Teh Selga nga midaug og duha ka bronseng medalya sa 28th Southeast Asian (SEA) Games 2015 sa Singapore, mibalik sa iyang wakeboard training sa nakalabay nga semana aron mangandam sa tryouts sa umaabot nga 30th Philippines SEA Games.

Si Selga, 19, mibalik og bansay sa Deca Wakeboard Park, Deca Homes Residences Resort (DHRR) sa Barangay Tacunan, Tugbok District.

Kahinumduman nga temporaryong gisira sa management ang pasilidad alang sa rehabilitasyon maong taud-taud sab nga wa kapraktis ang atleta.

“Hindi pa po ako sure na makakalaro sa SEA Games. Pero naga-training po ako for tryouts,” suma niya.

Ang iskedyul ug venue sa national wakeboard team tryouts, ang wala pa giyagyag.

Ang San Pedro College (SPC) Senior High School graduate, nga incoming Multi-media arts freshman sa Malayan Colleges Mindanao, nagdugang nga gilauman niya ang hugot nga kompetisyon sa pag-quality sa national team tungod dili na ‘boat-pulled wakeboard’ karon nga tuig sa biennial meet, nga maoy gitigian niya sa nakalabay nga duha ka SEA Games, apan ang regular na.

“Mas mahirap kasi marami po magsali, because there are more regular riders who will be joining the tryouts.”

Niya, mas nakapokus na lamang siya sa pagbansay ilabi na nga way klase.

Dugang niya nga tungod sa ka-busy niya isip graduating student, pagkumpleto sa mga rekisitos mao nga wala siya makaduaw sa wakeboard park.

“Bago lang talaga ako nagka-free time.”

Ang 2019 SEA Games wakeboard competition himuon sa Deca Clark Wakeboard Park.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph