SECTIONS
Thursday, July 18, 2019
SUPERBALITA DAVAO

Myers gibasol ang kaugalingon

KOMPIRMADONG nakasinati og Achilles injury sa iyang tuo nga tiil si Golden State Warriors forward Kevin Durant nga posibleng makatiklop og sayo sa iyang basketball career.

Kahilakon ang general manager sa Warriors nga si Bob Myers dihang iya kining gianunsyo human sa makutas nga kadaugan sa Warriors sa Game 5, 106-105, nga maoy nagpahak sa labaw sa host Toronto Raptors, 3-2, sa National Basketball Association (NBA) Finals series, Martes.

Miyerkules, gipaubos si Durant sa MRI aron masuta kon unsa ka grabe ang pagkaangol sa back-to-back Finals MVP.

Labing seguro, dili na makabalik si Durant sa best-of-seven series ug gibanabanang hataas nga panahon ang proseso niini sa pagpaalim.

Nagkanayon si Myers nga siya maoy angayang basulon kon nganong giahat nila pagapaduwa si Durant.

Si Durant nakasinati og calf injury sa Western Conference semi-finals batok sa Houston Rockets, dili ra unta kaayo kini grabe nga angol.

“I don’t believe there’s anybody to blame, but I understand in this world and if you have to, you can blame me,” matod ni Myers.

“I run our basketball operations department. And to tell you something about Kevin Durant, Kevin Durant loves to play basketball, and the people that questioned whether he wanted to get back to this team were wrong.”

Dihang naangol pagbalik si Durant, adunay mga sumosunod sa Raptors ang ning-abiba nga daw nalipay sila sa nahitabo.

Daghang mga magduduwa sa NBA ang nipagawas sa ilang reaksyon kabahin sa gibuhat sa mga sumosunod sa Raptors.

“Why are they cheering for his injury? Come on man,” tweet ni Philadelphia 76ers center Joel Embiid.

“Raptors fans can’t cheer for a player getting hurt. That’s lame,” tweet sab ni Washington Wizard star Bobby Portis.

Sulod sa 12 minutos lang niyang pagduwa, si Durant nakamugna og 11 puntos diin mirehistro siya’g perpektong tulo ka three-point shots.

Maayo na unta kini nga senyales alang sa Warriors apan sa sayong bahin sa 2nd quarter naangkon ni Durant ang iyang bag-ong angol dihang nag-crossover dribble siya batok sa depensa ni Serge Ibaka.

Ang Warriors gipangulohan ni Stephen Curry pinaagi sa iyang 31 puntos, nidugang og 26 puntos si Klay Thompson samtang niamot og 14 puntos si DeMarcus Cousins.

Sa ilang bahin, ang Raptors gipangulohan ni Kawhi Leonard pinaagi sa iyang 26 puntos, nihatag og 18 puntos si Kyle Lowry, nitunol og 17 puntos si Marc Gasol samtang niamot og 15 puntos si Ibaka.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph