ANDAM na ang entablado ug kamera sa paggiling sa laing hugna sa reality-based artista search nga StarStruck 7 sa GMA-7.
Suma pa nga ang talent search mas exciting, entertaining ug mas makakutaw, nga mopresenta sa real-life drama ug istorya sa mga hopefuls nga buot mahimong sunod nga Ultimate Male and Female Survivors.
Host sa karon nga season sa StarStruck mao sila Ultimate Star and StarStruck season 1 Ultimate Female Survivor Jennylyn Mercado ug Kapuso Primetime King Dingdong Dantes.
Ubanan sab sila nila Queen of Creative Collaborations Heart Evangelista, beteranang aktres, Ms. Cherie Gil, komedyanteng si Jose Manalo isip StarStruck Council.
Isip hurado i-mentor nila ang mga finalists.
Ang aktres nga si Kyline Alcantara join sab sa programa as host sa StarStruck’s online show nga Inside StarStruck.
Sa libuan nga nag-audition, 11 ka lalaki ug babaye ang pilion aron maapil sa “StarStruck Experience.”
Human sa kulba-hinam nga pagpili ang 22 maoy moatubang sa final audition hangtud nga maabot ug mapili ang Final 14.
Ang StarStruck Season 7 magsugod sa Hunyo 15, matag Sabado paghuman sa Daddy’s Gurl ug Dominggo, paghuman sa Daig Kayo ng Lola Ko, sa GMA-7.