SUPERBALITA DAVAO

Politikong nipasalig Kapa di masira, wa nay kisaw

DIGOS CITY -- Wa nay kisaw ang mga politikong gipadaug sa mga sakop sa Kapa (Kabus Padatuon) Community Ministry International Incorporated human nisaad atol sa kampanya niadtong eleksiyon nga di kini masira.

Usa ang Kapa nga giingong gigamit sa mga kandidato sa kampanya niadtong eleksiyon nga angay’ng silang suportahan sanglit mahimong maundang ang operasyon niini kon di sila makadaug.

Gibutyag ni Mirasol, 29, molupyo sa dakbayan nga niboto sila sa maong politiko human nipasalig nga di maundang ang operasyon sa Kapa.

Sama kaniya, gikanayon sab ni Luciana Rabi, 59, taga Bansalan sa probinsiya sa Davao del Sur nga wa nila giboto ang politikong giisyu nga dakong supak sa Kapa ug giingong mopaundang sa operasyon niini kon modaug.

Samtang dako ang pagmahay ni Rabi kay gipun-an niya og P10 mil sa miaging bulan ang iyang “pay in” sanglit wa magdahom nga utingkayon sa National Bureau of Investigation ug Securities and Exchange Commission subay sa mando ni Presidente Rodrigo Duterte ang operasyon sa KAPA.

Mitulo sab ang luha ni Rabi dihang gihinabi sa SunStar Superbalita human gibutyag nga giprenda niya ang iyang balay niadtong Abril aron lang ibutang sa Kapa.

“Si kinsa god ang magdahom nga nakadawat naman ko og P30 mil atong Mayo, unya atong eleksiyon nipasalig among gisuportahang kandidato nga di maundang ang Kapa,” asoy niini.

Apan alang niya wa nay kisaw ang ilang mga gisuportahang kandidato human ang eleksiyon.

Samtang gipasibaw sa daghang molupyo sa probinsiya ang ilang dakong pagmahay sa pagbubo og dakong puhonan sa mga investment schemes ilabi na sa KAPA bisan og giingong donasyon ang pagbutang niini.

Pipila kanila ang nangutang pa og salapi aron ipuhonan sa pagtoo nga mo-asenso na ang kinabuhi apan karon nahimong kalbaryo tungod kay gimando nang pasirad-an. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph