KIDAPAWAN CITY -- Pasakaan og kaso sa Philippine Health Insurance Corporation (PhilHealth) sa Soccsksargen ang kapin 40 ka mga agawon o employers.
Kini gumikan sa wala pagbayad og premium contribution sa PhilHealth sa ilang mga trabahante.
Ang kompirmasyon nagagikan mismo kang PhilHealth-Soccsksargen collection section chief, Lorelie Bonilla.
Gibutyag ni Bonilla nga duha ka employers sa Koronadal City ug usa sa General Santos City ang napasakaan na og kaso.
Gihulagway nga mora og gikawatan sa mga agalon ang ilang mga trabahante gumikan gikaltasan sila gikan sa ilang suweldo apan wala gi-remit ngadto sa PhilHealth.
Adunay mga trabahante sab sa North Cotabato ug sa dakbayan ang nagreklamo gumikan wala silay PhilHealth.
Nanawagan si Bonilla sa gusto nga moreklamo batok sa ilang mga agawon nga bisitahon sila sa ilang buhatan o kaha magsulat nga dunay pirma sa tanan nga trabahante. (Edgar E. Fuerzas)