1 patay, 2 angol sa bangga sa 2 ka mga motorsiklo

TACLOBAN City--Usa ang patay ug duha ang samdan sa disgrasya sa motorsiklo sa Barangay Cabalawan ning siyudad alas 6:15 sa gabii, Lunes, Hunyo 10, 2019.

Ang duha ka mga motorsiklo nagbangga tungod sa paggawas sa lane sa usa.

Ang duha ka samdan mao sila si Jimmy Lego, 38, taga Barangay Suhi, Tacloban City ug Jessie Simborio, 18, taga Basey, Samar.

Samtang ang nakalas mao si Mateo Versoza, taga 48-B, Esperas Avenue ning siyudad.

Base sa imbestigasyon sa kapulisan, nagdagan ang duha ka mga motorsiklo sa managlahi nga direksyon.

Dugang sa imbestigasyon, ang motorsiklo nga gimaneho ni Simborio nitipas sa pikas lane ug nakasugat si Lego.

Wa mahitsura ang duha ka motorsiklo gumikan sa kakusog sa panangbangga.

Dali nga gidala sa Eastern Visayas Regional Medical Center (EVRMC) ang duha ka mga drayber ug ang sakay ni Lego nga si Versoza.

Luwas ang duha ka drayber human sa pagtambal.

Apan gideklarar nga dead on arrival ang pasahero si Versoza gumikan sa mga samad ug bun-og nga naangkon.

Giandam na sa kapulisan ang mga dokumento nga magamit sa pagpasaka og reklamo.

Pahimangno sa kapulisan ngadto sa mga motorista nga pabiling magbinantayon sa pagmaneho ug di magpakusog sa pagpadagan.

Ang pag-counterflow sa karsada sa usa ka sakyanan usa sa mga nag-unang hinungdan sa mga aksidente. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph