Ting-uwan ideklarar

KARONG semanaha na gikatakdang ideklarar sa Philippine Atmospheric, Geophysical and Astronomical Services Administration (Pagasa) ang pagsulod sa panahon sa ting-uwan sa nasod.

Si Pagasa Visayas officer-in-charge (OIC) Engr. Al Quiblat nagkanayon nga gihuwat na lang nga maabot sa mga weather stations sa kasadpang dapit sa nasod ang 25 millimeter nga uwan nga maoy timaan nga madeklarar na ang ting-uwan.

Matod niya nga adunay pito ka mga weather stations sa nasod ang gi-monitor sa Pagasa.

Kon niabot na sa tag 25mm ang uwan nga nasinati sa dapit sukad nisulod ang Hunyo, anha pa nila ideklarar nga ting-uwan.

Pasabot niini nga ang gihuwat nalang nila mao ang westerly component nga hangin nga mopaingon sa West Philippine Sea aron madeklarar na nila nga habagat season na.

Base sa ilang weather station sa Iloilo, nagsige na ang uwan sa dapit diin posible nga makuha na ang 25mm nga uwan.

Alang sa Hunyo, anaa sa 190.4mm ang normal nga lebel sa uwan apan sa pagkakaron anaa pa lang sa 17.4mm.

Hinuon matod ni Quiblat nga makuha ning normal nga lebel karon hilabi na sa pagsulod sa habagat season.

Sa pagkakaron, isolated local thunderstorms lang ang nasinati nga pag-uwan ingon man nga gipaabot ang mas daghang uwan karon buwana.

Nipasabot usab si Quiblat nga dili makaapekto ang El Niño phenomenon sa onsent sa rainy season tungod kay weak kini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph