NIPAHIGAYON ang Tau Omega Phi (Topans Society), Gemini Aries Council, Leyte Chapter og community outreach program sa Merida, Leyte sayo ning buwana.
Gipangulohan nilang Rommel Lenzo ug Jojo Perez uban sa Merida Central School Batch 83 ug Merida Vocational School Batch 1987 uban si Dr. Leizl Ruetas ang kalihokan niadtong Hunyo 7.
Nanghatag sila sa mga tinun-an og mga tsinelas, notebook, lapis ug ubang mga butang nga kapuslan sa Masumbang Elementary School ug Mahayag Elementary School nga mga sakop sa Merida, Leyte.
Ang ilang mga gihatag sa mga tinun-an giisip nilang pahalipay sngadto sa kabataan nunot sa ilang nadawat nga grasya. (PR)