SUPERBALITA CEBU

Kuwang og autonomy: Osmeña

KASAULOGAN SA CEBU CITY HALL: Si outgoing Cebu City Mayor Tomas Osmeña (wala) uban sa iyang asawa nga si Konsehal Margot Osmeña (ikaduha gikan sa wala) ug Cebu City Mayor-elect Edgar Labella (tuo) nangulo sa flag raising ceremony alang sa kasaulogan sa 121st Philippine Independence Day nga gipahigayon sa Plaza Sugbo sa Cebu City Hall kagahapon sa buntag, Hunyo 12. (Amper Campaña)

NAG-uban sa labing unang higayon human sa eleksyon si outgoing Mayor Tomas Osmeña ug Mayor-elect Edgardo Labella aron pangulohan ang 121 nga anibersaryo sa Independence Day.

Ang kasamtangang mayor kinsa maoy namulong atubangan sa mga bisita niingon nga maayo pa nang pagdumala kaniadto sa local government unit dihang sakop pa ang Pilipinas sa Amerika.

“When we became the colony of the United States, the local government had much greater local autonomy than we have right now. When we became an independent as a country, the local government has became colonies of the national government,” matod ni Osmeña sa iyang pakipulong.

Pagkahuman sa speech sa mayor, ang duha ka kanhi kaalyado nga mao ang nag-atbang sa miaging piniliay naglano sa ilang mga kamot inubanan sa ilang mga pahiyom timaan sa maayuong gawi sa mga politiko.

Nitambong usab silang Konsehal Margarita Osmeña, Jocelyn Pesquera, Sisinio Andales, Joel Garganera ug Raymond Garcia uban sa mga department head ug kawani sa City Hall kansang kalihukan gipahigayon sa Plaza Sugbo, atubangan sa legislative building sa City Hall.

Si Labella, sa iyang bahin, nagkanayon nga bisan pa og dugay nang nakaangkon og kagawasan ang Pilipinas gikan sa conquestadores, apan wa gihapon makalinghawas ang mga Pilipino sa kakabus.

“Will see to it nga ang poverty level sa atong katawhan nga mo improve ang ilang panginabuhi for us truly free and independent kay usa man gyud na sa gidamgo sa atong mga bayani nga nagbuhis sa ilang dugo, luha, singot ug kinabuhi,” paambit ni Labella nga tumong sa iyang administrasyon sa dakbayan sa Sugbo sugod karong Hunyo 30 ning tuiga.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph