SECTIONS
Thursday, June 27, 2019
SUPERBALITA CAGAYAN DE ORO

Senior, PWD, buntis iprayoridad sa publikong sakyanan

BUOT nga ipa-report ni Land Transportation Office (LTO)-Northern Mindanao director Allan Guro kadtong mga pampublikong sakyanan nga dili mosunod ug mohatag diskwento sa mga senior citizen, person with disabilities, mabdos ug mga tinun-an.

Kini human nadawat ang reklamo nga pipila sa mga taxi driver ang wala gatuman sa paghatag og 20 porsiyento nga diskwento ngadto sa mga senior citizen paingon ngadto sa ilang padulngan.

Matud ni Guro nga dili kinahanglan apan obligado gyod ang tanan nga mga publikong sakyanan sama sa taxi, bus, dyip, van ug uban pa nga mokarga og pasahero nga mohatag diskwento tungod kay nakalatid kini sa balaod.

“Obligado gyod sa paghatag sa discount dili lang taxi, apan all public vehicle, kinahanglan paghatag ang senior citizen og 20 percent discount kay adunay balaod niana,” matud ni Guro.

Dugang niini nga lakip ang PWDs protektado sa balaod ug kinahanglan nga prayoridad diha sa transportasyon.

Ang mga tinun-an kinahanglan sab makadiskwento gawas lamang niadtong mga tinun-an nga nag masteral.

Samtang kinahanglan sab nga adunay priority ngadto sa mga mabdos nga bout mosakay sa sakyanan ug dili na pahulat-hulaton.

Matud niini nga ireport gyod dayon sa ilang buhatan kung adunay mga driver nga nakasupak niini ug ipadala ang plate number, ngalan sa operator ug mas maayo kung makuha sab ang pangalan sa driver.

“Kuhaon lang ang identification sa driver, body number, owner sa sakyanan, driver's ID ug isumbong sa public assistance help desk sa atong LTO,” matud ni Guro.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph