DAKO ang pagtuo sa “Remove Ocon Movement” nga pinugos lamang ang pagpangayo og pasaylo ni City Councilor Zaldy Ocon niadtong adlaw’ng Lunes, Hunyo 10, sa hawanan sa konseho sa Siyudad sa Cagayan de Oro.
Kini ang gibutyag ni Tess Padla, tigpamaba sa maong movement, ug pormal nga nilusad og signature campaign niadtong adlawng Miyerkules, Hunyo 12, sa Press Freedom Document.
Matud ni Padla nga usa sab siya ka pastora ug ngani dali lang kaayo malukmay sa mga tao labina gyod gahilak, apan wala kini niya nakita kang Ocon.
“I preach for forgiveness pero isa sa requirements sa forgiveness is through repentance and repentance can only be shown by your subsequent actions like usahay you try to pay back, like nakautang ka bayaran nimo like sorry, bayaran nimo you can make amends,” matud ni Padla.
Dugang niini nga pagtan-aw niya sa viral video ni Ocon nga nangayo og pasaylo dili niya makita ang sinseridad niini.
“Pero akong gitan-aw iyang video sa iyang pag-sorry mas daghan iyang justification, I mean to think making mention nga 500 akong blood sugar, akong blood pressure nitaas and everything... ug para sa ako when you are truly sorry accept everything that you were wrong, try to make amends,” dugang niini ug gani wala kini personal gyod nga nangayo og sorry sa mga Canoy.
“Did he ever make an attempt to go to lawyer Reuben Canoy and personally apologize? I don't know if he has done that, pero in public naka-video with matching hilak-hilak, but I can also discern ang kanang napugos nalang. Nagsorry kay nasakpan, na videohan, dili sorry tungod kay narealize niya nga sayop gyod siya,” matud ni Padla ug midugang nga naka trigger lamang sa pagpangayo og pasaylo niini tungod kay navideohan ug daghan ang Kagayanon nasuko pag-ayo niini.
“Ingon pa siya the whole world is against me in other words naka-trigger sa iyang pag sorry is the fact that he knows that a lot of people are already angered with him because of what he did. Not because he is truly repentant of what he did to a senior citizen. Akong final take is he is not really sorry,” panapos ni Padla.
Niadtong adlaw’ng Miyerkules sa pormal nga paglusad sa “Remove Ocon Movement” mikabat na sa 3,000 ang nalikom nga pirma ug molangtod pa kini hangtod sa Hunyo 30.