Usbaw sa suholan sa magtutudlo subling gipasalig ni Duterte

SUBLING gipasalig ni Presidente Rodrigo Duterte ang paghatag og usbaw sa suholan sa mga magtutudlo atol sa pagbisita sa Siyudad sa Cagayan de Oro niadtong Miyerkules, Hunyo 12, 2019 atol na usab sa pagpangulo sa pagpanumpa sa mga lokal nga opisyal sa siyudad.

Sa iyang mensahe gilakbitan niini ang pagbutyag diha sa pagpasalig sa pagsunod sa paghatag og usbaw sa suholan sa mga magtutudlo ug gipasabot nga nauna ang kapulisan tungod na usab kay delekado ang ilang mga trabaho ug dili usab susama ang kadaghanon niini kumpara sa mga magtutudlo.

Giingong anaa lamang sa gatosan ka libo ang kasundalohan ug lakip na mga kapulisan samtang minilyon usab ang mga magtutudlo hinungdan nga mas naunang nadoble na ang sweldo.

“Akong gidoble ang ilang sweldo giuna gyud nako sila ang sunod nga round karon will be the teachers ang isunod we’re working on it akong saad, pero timan-i biya there are millions of teachers gamay raman ning police,” matud ni Duterte.

Gidugang pa usab niini nga rason nga gidoble na ang mga sweldo sa mga kasundalohan ug kapulisan tungod sa ka delekado sa ilang mga trabaho ilabi na nga ipadala kini diha sa mga giyera.

“If you want a strong country you have to have strong army kung wala kay kusog nga armadong grupo mao nay mahitabo hinay kaayo you cannot enforce the law,” dugang niini.

Related Stories

No stories found.
SunStar Publishing Inc.
www.sunstar.com.ph