SUPERBALITA CEBU

Kyaw-Kyaw: Vickie mag-ala Pia Wurtzbach kaha?

NAKALANGKAT gyud tuod og korona dili lang usa apan duha gyud ka korona, ang mga Cebuana sa Binibining Pilipinas 2019 niadtong Dominggo.

Si Gazini Ganados nakoronahan isip Ms.Universe Philippines samtang si Samantha Lo ang Bb. Pilipinas Grand International, akong pahalipay!

Ang ilang kadaugan mibuhi sa mga Sugboanon human sa daghang katuigan dihang nakoronahan si Pilar Pilapil isip Bb. Pilipinas Universe.

Nasayran nga may dugo nga Palestenian diay kini si Gazini ug nangandoy kini nga makita ang wa niya mailhi nga amahan.

•••

Sa nahibaw-an na sa kadaghanan nga pakyas si Vickie Rushton paglangkat sa korona bisan pa nga nanghakot siyag mga special awards.

Anugon kay daghan unta ang naglaom nga usa siya sa mga makoronahan.

Di na lang ta mangitag rason sa iyang kapakyasan, wa lang gyud siyay swerte bisan pa man nga first runner-up siya sa niaging tuig.

Taym pa, di ba ingon man usab niini ang naagi-an ni Pia Wurtzbach sa wa pa kini mahimong Ms. Universe?

Daghan gani ang nidayeg ni Pia kay niapil pa gyud siya sa ikatulong higayon ug didto niya nakab-ot ang iyang damgo.

Nahitabo usab kini kang Mary Jean Lastimosa apan wa lang swerteha si MJ.

Ang pangutana: ‘Mag-Pia Wurtzbach kaha si Vickie sa sunod tuig?’ Atong atangan.

Sa kasamtangan, atong suportahan si Gazini, si Samantha ug ang ubang mananaug sa ilang paningkamot aron padayong ilhon isip beauty powerhouse ang Pilipinas.

•••

Sa mga nakilig sa panagpares ni Alessandra di Rossi ug Empoy Marquez sa Kita Kita, may bag-ong kalambuan.

May umaabot nga pelikula ang duha ug giingong gisulat na ang screenplay niini.

Kon di malangan, basin mapasundayag kini sa di pa matapos ang 2019. Atangi!

•••

Daghan ang nanghinaot ug nihalad og pag-ampo alang sa paspas nga recovery ni Eddie Garcia nga nakabaton og neck fracture samtang nagshooting a bag-ong teleserye sa GMA 7 nga Rosang Agimat.

Bisan kontrabida ang lagmit papel ni Eddie sa pelikula o telebisyon, daghan pa gihapon ang nagpangga kaniya.

Hinaot dunggon sa kahitas-an ang atong mga pag-ampo.

•••

Unsa ka tinuod ang mga hungihong nga may bag-ong lovelife si Vina Morales? Usa ka maayong higala si Vina mao nga malipay sab ta kon magmalipayon siya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph