SECTIONS
Saturday, August 24, 2019
SUPERBALITA CEBU

Raptors: Misyon tapuson

HUMAN napakyas sa ilang tinguha sa Game 5 niadtong Martes, sa makausa pa, suwayan na usab sa Toronto Raptors paglangkat ang una nilang titulo sa National Basketball Association (NBA) karong buntag sa Game 6 sa finals series batok sa defending champion Golden State Warriors.

Ning higayona, dala ang 3-2 nga bintaha, ang Raptors maoy mosulong sa Warriors didto korte sa Oakland nga maoy magsilbing katapusang duwa sa NBA sa Oracle Arena.

Kon unsay ilang gibati sa ilang kapildihan as Game 5 nga maoy nagdelatar sa ilang makasaysayon nga selebrasyon, kining tanang pilit na hikalimtan sa Warriors.

“The moment is the moment, but we still are stahing in it,” matod ni Raptors guard Kyle Lowry. “We’re not too up, we’re not too down. We’re just, One game, hey, we lost it.” Now we’ve got to move on the next one.”

Gipaabot nga mohan-ok ang mabagang dumadapig sa Warriors sa Oracle aron mopakita sa ilang saktong suporta nga makadugang og moral sa ilang team.

Apan andam ang Raptors nga mosagubang niini.

“You’ve got to be a little more tough-minded on the road,” Raptors coach Nick Nurse said.

Sa Game 5 daw og sa miiwag sa makadiyot ang kahayag sa kalampusan sa Raptors sa dihang nakalabaw na sila og sais puntos sa katapusang dos minutos kapin nga nahabilin sa fourth quarter.

Ang duha ka tres ni Kawhi Leonard nga gitampuhan usab sa iyang free throws ug perimeter shots maoy nakapadahunog sa abiba sa mabagang dumadapig sa Toronto sulod sa Scotiabank Arena, 103-97.

Apan sa kalit lang midag-om ang palibot sa ilang paglaom sa dihang tagsatagsa nga mipabuto og tres sila si Klay Thompson ug Stephen Curry aron sakmiton ang muna sa ginhawang kadaugan.

Diha pa untay kahigayonan nga malabni na sa Raptors ang kampiyonato sa himatyong segundos human natawagan na usab og offensive foul si Cousins, apan ang hugot nga depensa sa Golden State maoy nagpreserba sa sikit nga kadaugan sa Warriors nga sa samang higayon nagbingat sa serya, 3-2.

Ang maong senaryo nahitabo nga wala ang star player sa Golden State nga si Kevin Durant kinsa nakaangkon og seryusong angol sa iyang tuong tikod sa sayong bahin sa second quarter.

Sa pagkawagtang og balik ni Durant, makahatag og bintaha sa Raptors sa tapad.

“Toronto is tough to guard because they have got a lot of passers and a lot of shooters and they put you in some difficult spots,” matod ni Warriors coach Steve Kerr. “But everybody who came in (Monday) was prepared to play and they were flying around and rotating. We did everything we could to hang in the game on the road and we were able to pull it out. So we know that’s what it’s going to take here as well.”

Alang kang Raptors coach Nick Nurse, way kausaban sa iyang prinsipyo nga gipahaom sa iyang team. Kini mao nga bisan kinsa pa ang naglabaw sa series, dili kini niya igbali basta ang importante nga modaog og kaupat sa series.

Sa playoffs pipila kahigayon nga naunhan siya sa series, 0-1 sa Orlando, 1-2 sa Philadelphia og 0-2 sa Milwaukee apan iya kining nalagpasan.

“They all hit you hard,” matod ni Nurse. “Listen, I’m like anybody that was there. The outcome of that one changes things a little bit. But I’ll say this: I’m absolutely thrilled to be coaching in another finals game. This is awesome.”

“One last win, and it’ll be the most awesome night in Raptors history.” (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph