SUPERBALITA DAVAO

Ayohana’g armas sa BIFF nailog

MAGUINDANAO PROVINCE -- Ayohanan og mga armas sa Bangsamoro Islamic Freedom Fighters (BIFF) nadiskubre alas 4 sa hapon, Miyerkules, Hunyo 12 sa General Salipada Pendatun sa probinsiya.

Kini ang gipabuhagay ni 6th Infantry Division chief Major General Cirilito Sobejana human nakadawat ang kasundalohan og impormasyon gikan sa mga molupyo bahin sa ayohanan og mga armas BIFF sa Barangay Midconding.

Dali gilayon og law enforcement operation ang hiniusang puwersa sa Criminal Investigation and Detection Group-Bangsamoro Autonomous Region in Muslim Mindanao (CIDG-BARMM), 33th Infantry Battalion, 2nd Mechanized Infantry Battalion ug 4th Special Action Battalion sa kapulisan.

Narekober sa mga pulis ug sundalo ang mga piyesa sa mga pusil, kagamitan sa armas, lakip na ang nagkadaiyang klase sa mga bala.

Nasayran nga ang gun repair shop sa mga guba nga armas gipanag-iyahan ni Sukarno Buka, kinsa maoy sub-commander sa BIFF, apan nakaipsot una niabot ang mga pulis ug sundalo.

Gikompirma sa mga lokal opisyal nga si Buka ug iyang mga sakop nagahimo sab og improvised rocket launcher ug mga improvised explosive device (IED).

Giklaro sab ni Sobejana nga ang operasyon sa militar ug kapulisan dunay direkta nga koordinasyon sa ceasefire committee sa Moro Islamic Liberation Front.

Tungod niini, target karon sa operasyon Joint Task Force Central si Buka aron sikupon ug pasakaan og tukmang kaso sa korte. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph