LAHI ra ang pagkaluto sa puchero sa Tagalog kon itandi nato sa luto sa Bisaya. Sa ato, simpleng nilat-an lang nga sabaw kini. Apan sa Tagalog, ang puchero murag kaldereta nga naay mga gulay kay ang sabaw naa may tomato sauce.
• Mga sagol:
2 ka kilo baka bulalo (beef shank)
2 sibuyas gihiwa
2 tasa sa tomato sauce
2 patatas
4 saging sab-a
1 bugkos baguio beans o batong
4 Pechay native
1 cabbage
Tubig para sabaw
Asin ug paminta para timpla
• Unsaon pag-andam:
1. Butangi og tubig, tomato sauce ang baka. Isunod ang sibuyas dayon lapwai sa tubig hangtod malata.
2. Kon lata na ang baka, ibutang na pud ang patatas ug saging sab-a ug lutoa kini. Timplahi og asin ug paminta.
3. I butang napud ang ubang mga gulay ug lutoa og gamay dayon pwede na haunon.
** Pwede pud ninyo butangan og carrots, sweet corn ug chorizo.
Sunda ko sa akong social media accounts.
Facebook: facebook.com/LutongTatungOfficial
Website: www.lutongtatung.com
Twitter: @cheftatung
Instagram: Cheftatung