SUPERBALITA DAVAO

31 kanhi NPA nihuma’g skills training

DAVAO. Mga kanhi rebelde nga migraduwar Biyernes, Hunyo 14, 2019, gigiyahan sa mga buhatan sa gobyerno sa ilang Apprenticeship Program sa HEO-Hydraulic Excavator and Dump Truck Operation didto sa Grand Regal Hotel, Davao City. (Hulagway ni Juliet C. Revita)

MOKABAT 31 ka mga kanhi rebelde ang migraduwar Biyernes, Hunyo 14, sa ilang Apprenticeship Program sa HEO-Hydraulic Excavator and Dump Truck Operation didto sa Grand Regal Hotel human sa ilang paglampos sa resikitos alang sa four-month skills training.

Ang programa gihanyag sa Technical Education and Skills Development Authority (Tesda) nga giisponsor sa G.E 64 Enterprises Inc. sa Heavy Equipment Operation, lakip na ang paghatag kanila og allowances ngadto sa mga trainees.

Sama ni Alyas Omar, 30-anyos, molupyo sa Paquibato District ning siyudad, kanhi New People’s Army (NPA) member, nagpasalamat ngadto sa gobyerno alang sa programa.

Si Omar, mitahan sa gobyerno niadtong milabay nga tuig human sa iyang napulo ka tuig sa kalihukan diin mi-enrol siya pagka-operator sa programa.

Giingon niya nga napugos siya sa pagtahan sa sabakan sa balaod human wala gituman sa mga NPA ang ilang mga saad.

Dugang ni Omar nga sa taas nga panahon sa iyang pag-apil sa kalihukan, wala suma pa siya katilaw og kaharuhay; ang iyang pamilya ug duha ka mga anak ang nagtuklod kaniya sa pagtahan.

“Para amoa sa mga NPA nga nag-surrender, dako kaayo ni og tabang kay ngano, masuweldohan pa mi, nakakat-on pa mi. Panagsa ra man ni ing-ani nga trabaho nga gihatag nga tabang sa gobyerno,” ingon ni Omar.

Sa bahin sa kasundalohan ang nahitabo usa lamang ka simbolo sa kadaugan sa gobyerno ug sa paneguro nga sa malinawon nga komunidad.

“Itong inoffer naman ng G.E. 64 is one of the many option because ang gusto kasi nating mangyari yong mga community integrator or former rebels really decided na ito ang gusto nila kasi ‘yong dating nangyayari din, ino-offer natin yong mga skills training or livelihood training, afterwards hindi rin sila nagiging productive kasi hindi naman talaga yon ang suitable doon sa area nila at sa community or hindi talaga nila hilig ang skills training na in-undergo nila,” ingon ni 1003rd Infantry Brigade commander Colonel Nolasco Mempin. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph