SUPERBALITA DAVAO

Paglaum nagdilaab

DAKO gihapon ang paglaum ni Maribel Marquez, 45-anyos, barbecue vendor sa Roxas Night Market sa Davao City nga mabalik ang operasyon sa Kapa (Kabus Padatuon) - Community Ministry International Inc. luyo sa ulahing gipamulong ni Pangulong Rodrigo Duterte didto sa General Santos City, Huwebes sa hapon, Hunyo 13.

Sumala sa barbecue vendor nga kung mahitabo nga di na gyud mabalik ang operasyon sa Kapa daghan, suma pa, ang mag-rebelde batok sa gobyerno.

“Hunahunaon lang god nga pila na ka libo ka tawo ang miyembro sa Kapa, mag-rebelde ni, nganong gihilabtan pa man kini sa gobyerno nga unta wala man naapektuhan ang ekonomiya sa nasud,” pagpasabot sa barbecue vendor sa Superbalita Davao.

Dugang sa barbecue vendor nga lagmit pamolitika kini sa kasamtangan nga administrasyon alang sa giingong pagpangandam nila sa tuig 2022.

“Basin politika ang naglimin niini nga hitabo karon, wala ta kabalo nga dunay moingon diha karon nga mopahimong legal sa mga money investment schemes, kana atong hulaton, pero atoa istorya lang ni,” dugang ni Marquez.

Samtang si Lola Josefa, usa sab ka investor, niluhod samtang gihinabi sa GMA News atubangan sa kamera. Iyang gihangyo ang presidente nga tugtan ang Kapa nga mo-operate tungod kay ang iyang makuha nga kuwarta sa “payout” ibayad sa hospital bill sa iyang anak.

“If you get to see me right now, I am whole heartedly kneeling in front of you to please allow Kapa to operate because it is a huge help in my life,” matud ni Lola Josefa.

Uban pang nagkadaiyang reaksiyon sa netizens bahin sa kapalaran sa Kapa. Pipila kanila nagdayeg sa hukom sa Presidente, samtang ang uban nagkanayon nga di makatarunganon.

“Sakit kaau paminawon apan tinuod... kung di mo kasabot kang Tatay Digong wa may pugsanay,” matud sa Facebook user Roger Sucaldito.

“Instead of criticizing, judging, blaming, or making things worse let’s try to respect each other’s opinions,” sa lain sab nga Facebook user John Mar Sonza Macundo.

Niadtong Huwebes, subling nagpagula og pamahayag si Pangulong Duterte labot Kapa sa iyang pamulong atol sa certificate of land ownership award (CLOA) sa mga agrarian reform beneficiaries sa Lagao Gymnasium sa GenSan.

“Ang akong giingon sa NBI ug pulis, dakpa. Large scale estafa is non-bailable. Kamong tanan naa sa Kapa, mogawas gani nang inyong pangalan sa papel, pagbantay mo kay kung maaresto mo wala gyud nay bail,” tipik sa pamulong sa pangulo.

Dugang sa pangulo, “If it’s too good to be true, it’s definitely wrong. I’m a fiscal, I already knew these schemes. Kung tinuod pa na, ako pa mismo mo-apil.

Ayaw mo’g sulod dinha kay ilad na. Tuo mo sa akoa kay abogado ko, Presidente ko.”

Pintok sab nga giingon ni Duterte sa founder sa Kapa nga si Pastor Joel Apolinario, “I’m sorry. The operation will be stopped or shall stop immediately. Ug katong Pastor...Ulol!...Tang-- ka! Nangilad ka. Ang impyerno naghulat sa imoha.”

Human sa pagsulti ni Duterte, gilayong milupad si Apolinario uban ang asawa niini sakay sa usa ka helicopter gikan sa hawanan sa bagang miyembro sa Kapa nga misalmot sa prayer rally sa GenSan dungan sa maong adlaw. (Uban sa taho ni Ralph Lawrence G. Llemit sa SunStar Davao)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph