SUPERBALITA CEBU

Koop biktima sad?

NIALEGAR ang mga opisyal sa God the Father Almighty Credit Cooperative (GFACC) nga nagbase sa Barangay Tisa, dakbayan sa Sugbo, nga biktima usab ang koop sa pagkanikas.

Sa official statement sa GFACC nga gipadala sa Superbalita Cebu, ang nabaniog nga problema sa koop nagsugod sa ilang supplier nga napakyas sa ilang saad sa paghatod sa mga sakyanan sa tukma nga panahon.

Base sa pamahayag, ang supplier (ngalan gipugngan samtang wala makuha ilang habig), “promised to extend full credit line and to supply the supposed loaned cars and motorcycles to GTFACC’s members.”

Kini nagsugod dihang ang supplier nakadawat na og initial down payment gikan sa mga miyembro sa koop, apan wala maka-deliver gi-order nga mga sakyanan, dason sa ilang pamahayag.

Sa pakighinabi sa telepono sa Coop’s founder Christopher Tundag, kini niingon nga ang unang batch sa ilang miyembro nga nangayo og refunds, ila dayong gikontak ang supplier aron paghangyo nga iuli ang kuwarta, diin kini nisaad usa sa paghimo niini.

Matod ni Tundag, ang ilang supplier nga dunay car trading shop sa Consolacion.

Niadtong Mayo, ang supplier nihatag kanila og initial refund nga P1 milyon diin ang Coop nibahinbahin dayon niini ngadto sa pipila ka mga miyembro, sumala ni Tundag.

Ang Coop, dason niya, nihatag sa supplier og down payment nga moabot og P14 million.

Base sa ilang record, ang koop naka-release na og dul-an sa P3 milyon gikan sa iyang Coop’s savings ug fund aron sila makahatag og refund ngadto sa pipila ka miyembro.

Matod ni Tundag, sila nihatag og prayoridad sa nakapalit og motorsiklo human sila ang dunay tendensiya nga 'bayolente' sa ilang reklamo.

“We are forced to use the Coop’s funds as refunds for some members, and now the Coop can barely stand (because of lack of funds),” pasabot ni Tundag.

Si Tundag niingon nga sila dunay makanunayong kontak sa komunikasyon sa supplier ug siya kanunay naghangyo sa refunds, ug ang naulahi nagsige usab og saad ug nihangyo nga dili mohimo og legal action.

Hinuon, human gibasol siya sa iyang mga miyembro ug daghang bashers sa Facebook posts, si Tundag ug iyang legal counsel nangayo na og tabang sa mga awtoridad lakip sa posibilidad sa pagpasaka og kaso.

Sa miaging semana, si Tundag didto sa National Bureau of Investigation (NBI) 7 aron pagpasaka og reklamo batok sa supplier, ug unang nasuta mao nga duna kini duha ka pending estafa cases.

Sa pagkakaron, matod ni Tundag, sirado ang ilang buhatan sa Tisa tungod sa hulga sa ilang kinabuhi.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph