SUPERBALITA CEBU

Utok sa pagpatay sa Haponesa nasikop

HAPON nga maoy giingong mastermind sa pagpatay sa iyang asawa nga Haponesa sa Dakbayan sa Sugbo sa miaging tuig nasikop sa Japan.

Si Junko Hamada gi-ambush niadtong Agusto 24, 2018 sa Natalio Bacalso avenue, Siyudad sa Sugbo sa mga tawo nga nagmotorsiklo samtang siya nagmaneho sa iyang sakyanan.

Matod ni Police Lieutenant Colonel Frankie Jingle Lugo, hepe sa Investigation and Detective Management Branch sa Cebu City Police Office, ni angkon nga gipahibawo siya sa usa ka reporter nga nagbase sa Japan.

Ang nasikop mao si Sinichi Hamada, kinsa nalutsan og warrant of arrest sa kasong murder sa korte sa Japan human siya gitudlo sa gunman ug sa hinigugma niini nga maoy nagsugo.

Ang kapulisan sa Siyudad sa Sugbo makig alayon sa gobyerno sa Japan kon unsay mahitabo sa kaso ni Hamada dinhi sa Sugbo.

Apan iyang gipasalig nga human masikop si Hamada sa Japan, magpadayon gihapon ang iyang kaso sa Siyudad sa Sugbo sanglit dinhi man nahitabo ang pagpatay kang Junko.

“Tuloy pa rin ang kaso niya dito. Pero wala pa kami natanggap na galing sa court kung kailan ang pre trial nila. Wala pa din na set ang arraignment nila,” matod ni Lugo.

Misusi sa kaso

Niadtong Pebrero, 10 ka Japanese investigators ug prosecutors ang naabot sa Sugbo aron magpakisayod sa kaso ni Sinichi Hamada dinhi.

Nangayo usab silag mga ebidensya labot sa insidente.

Ila usab nga gikuhaan og pamahayag ang duha ka suspek nga silang GB Bertulfo ug hinigugma niini nga si Mary Jane Aguilar.

Ang duha nasikop niadtong Septiyembre sa miaging tuig human sila gitudlo sa mga saksi nga maoy nagpapatay sa negosyanteng Haponesa.

Away sa katigayonan ang usa sa motibo sa pagpapatay ni Sinichi sa iyang asawa.

Si Junko Hamada maoy presidente sa Beams Philippines Export Corporation, usa ka furniture company nga nag base sa siyudad sa Talisay.

Nakuha sa kapulisan ang binayloay og text pinaagi sa cellular phone ni Bertulfo ug Sinichi labot sa plano pagpatay kang Junko bugti sa kwarta nga ibayad kanila.

Sila si Bertulfo ug Sinichi adunay relasyon ug giingong nagplano nga mag-ipon kon mamatay na si Junko.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph