SUPERBALITA CEBU

Manny kuyaw nga ma-brain damage: Arum

NABALAKA ang bantugang boxing promoter nga si Bob Arum nga makasinati og brain damage si Filipino fighting senator Manny Pacquiao sa pagpakig-away niini kang American Keith Thurman karong Hulyo 20 sa Las Vegas, USA.

Si Pacquiao, kinsa nag-edad na og 41, makigbatok og usa ka lehitimong knockout puncher nga wala pa’y pilde sulod sa 29 ka mga away ug manghod kaniya og 10 ka mga tuig.

Gipasabot ni Arum nga bisan dili na siya maoy promoter ni Pacquiao, naglantaw gihapon siya sa kaayuhan alang sa Pambansang Kamao ng Pilipinas.

Nagtuo si Arum nga ang brain injury nga nasinati ni Zab Judah dili pa lang dugay magsilbeng usa ka pahimangno lang Pacquiao nga mag-amping og maayo. Sama ni Pacquiao, si Judah nag-edad sab og 41.

“Look, I love Manny Pacquiao,” matod ni Arum nga napatik sa www.boxingscene.com.

“I have a whole history with Manny Pacquiao. I’m really rooting for Manny Pacquiao, but you’ve gotta realize that he’s 41 years of age, and when a fighter has been around so long passes his late 30s and goes into his 40s, he’s not gonna be as good as he was in his prime.”

Gipasabot ni Arum nga kon ang tawo edaran na, mas dali kining makasinati og pagkaangol hilabi na sa utok.

“You know, I mean, the doctors will tell you that the cranium as you get older, thins out. So a guy that’s younger gets hit and the cranium absorbs the blow so that it doesn’t affect the brain matter,” pasabot ni Arum.

“When they get older the cranium is thinner, and when you get hit it affects — that would be the worst thing in the world if Manny Pacquiao suffered brain damage at this point.”

Alang kang Arum, ang nahitabo kang Judah usa ka perpektong ehemplo kon unsa ka delikado alang sa mga boksidor nga padayon pang moaway sa edad nga 40.

Si Pacquiao, kinsa maoy bugtong boksidor nga nakalabni og world titles sa walo ka managlahing weight division, adunay 61-7-2 nga rekord samtang si Thurman adunay 29-0, 22KOS nga baraha.

Si Pacquiao maoy tag-iya sa World Boxing Association (WBA) regular welterweight title samtang si Thurman maoy nagsupot sa “super” nga bersyon ning maong titulo. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph