SUPERBALITA CEBU

P18M ang ibilin nga pundo sa bridge board

DUL-AN P18 milyones ang pundo sa Mactan-Cebu Bridge Management Board nga magamit sa mosunod nga mangulo sa pagpatuman og mga proyekto ug programa alang sa kaayohan sa duha ka mga taytayan nga nagsumpay sa mga siyudad sa Mandaue ug Lapu-Lapu.

Si outgoing governor ug Vice Governor-elect Hilario Davide III, outgoing chairman sa MCBMB, nibutyag nga naa sa P17,942,646.59 ang salapi sa bridge board hangtod sa Mayo 31 nga nakadeposito sa banko.

Matod niya, nitubo ang revenues sa MCBMB karong 2019 tungod kay nagtultol og bayad ang 12 ka utilities ug advertising firms sa ilang binuwan nga abang.

Ang mga kompaniya naglakip sa Metro Cebu Water District, Philippine Long Distance Telephone Company, Innove Telecommunications, National Grid Power Corp., Pacific Skycable CATV, Cebu Cable TV Management Corp., Eastern Communications ug Source Telecom.

Apil usab ang JKJ Media Services, City Advertising Ventures Corp., Alcordo International Inc., ug AD Consultants.

Sa kapin P17 milyones, P15,219,718.71 ang special savings deposit.

Atol sa tigom sa bridge board niadtong Biyernes, Hunyo 14, 2019, gipahibawo ni Davide nga napirmahan na niya ang tinuig nga kontrata alang sa renewal sa pipila sa maong mga kompaniya.

Apil sa renewal ang MCWD; PLDT; Pacific Skycable; JKJ Media Services; Alcordo International, Inc.; ug AD Consultants.

Sa report sa MCBMB, ang projected monthly contribution sa maong mga kompaniya kay mo-range gikan sa P3,536.89 hangtod sa kapin P80,000.

Ang nahisgutang mga kompaniya sa utilities nagbayad og abang gumikan sa mga tubo ug kable nga nag-okupar og mga espasyo sa Mandaue-Mactan Bridge ug Marcelo Fernan Bridge aron pagtabok gikan sa siyudad sa Mandaue ngadto sa dakbayan sa Lapu-Lapu.

Samtang ang mga advertising firms alang sa mga materyales sa advertising nga makita o gipabarog sa duha ka mga taytayan.

Sa pundo sa MCBMB kuhaon ang bayad alang sa sweldo sa mga kawani nga maoy nagbantay sa traffic and security monitoring system (TSMS) ug ang binuwan nga bayranan sa kuryente, tubig ug komunikasyon. Apil usab niini ang bayad sa suppliers nga maoy nag-supply sa panginahanglan sa pagdumala sa duha ka mga taytayan.

Gamiton usab ang pundo alang sa pagpalit og P7.9 milyones nga tow truck ug sa P3.4 milyones nga bag-o lang giaprobahan sa MCBMB aron pag-upgrade sa closed-circuity television (CCTV) camera ug sa TSMS.

Apil niini ang pagpalit og upat ka bag-ong CCTV cameras nga high resolution nga makakuha sa plate numbers sa mga sakyanan nga moagi sa Mandaue-Mactan Bridge ug Marcelo Fernan Bridge ug pag-upgrade sa koneksyon ngadto sa wireless. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph