SECTIONS
Thursday, July 18, 2019
SUPERBALITA CEBU

Determinahon ang agian sa 6 ka mga bus

SUD sa 45 ka adlaw balido ang provisional authority nga giisyu sa Land Transportation Franchising and Regulatory Board sa Central Visayas sa Vallacar Transit Inc., ang operator sa dekalidad nga mga bus nga nagsugod na og biyahe gikan sa Cebu South Bus Terminal paingon sa dakbayan sa Lapu-Lapu.

Si LTFRB 7 Director Eduardo Montealto Jr. niingon nga gihatagan nila og provisional authority ang VTI kay tan-awon nila kon asa nga mga rota paagion ang unom ka high-quality buses paingon sa Lapu-Lapu nga P80 ang pleti.

Matod niya, gihuwat nila ang rekomendasyon sa mga kagamhanan sa mga siyudad sa Sugbo, Mandaue ug Lapu-Lapu sa mga rota nga maoy giagian karon sa maong mga bus.

“Kay ang mga LGU pwede sila mo-intervene kon asa nila paagion. Dunay specific rota nga agian nga dili makasamok sa ubang mga lugar nga daghan og mga sakyanan,” pasabot ni Montealto.

Kon makita nila nga okay na ang agian ug hunongan sa dekalidad nga mga bus sa VTI, tagaan kini nila og certificate of public convenience o prangkisa aron ipadayon ang operasyon niini.

Sigon ni Montealto nakabutang sa memorandum nga ang VTI ang mopili sa mga lugar nga agian sa unom ka mga bus nga mopaingon sa Lapu-Lapu.

Si Montealto niklaro nga point-to-point or P2P ang sistema sa unom ka dekalidad nga mga bus sa VTI nga nagpasabot dili kini mahimo mopasakay ug mopakanaug sa mga lugar nga maagian niini samtang nagpaingon sa Lapu-Lapu, gawas lang sa special stop nga ilhon sa kompaniya. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph