ANG beteranong promoter Bob Arum nabalaka nga si Filipino star Manny Pacquiao posibleng magka-brain damage sa iyang pagsaka sa ring aron makigbinukbukay kontra WBA welterweight champion Keith Thurman sa Las Vegas, sunod bulan.
Si Pacquiao, nga mag-41 karong Disyembre moatubang sa gikonsiderang “one of his most dangerous opponents” nga way pildi sud sa 30 ka away ug 10 ka tuig nga mas batan-on sa Pinoy.
Ang 87-anyos nga si Arum, usa sa nagpromotar sa boksing ni Muhammad Ali atol sa 1960s ug 1970s, dili na konektado kang Pacquiao.
Apan bisan og buwag na sila og dalan, si Arum nagpaabot sa iyang kabalaka labot seryosong brain damage nga sama sa naangkon sa 41-anyos nga si Zab Judah nga magsilbi unta nga pagtulun-an.
“Look, I love Manny Pacquiao,” ni Arum.
“I have a whole history with Manny Pacquiao. I’m really rooting for Manny Pacquiao, but you’ve gotta realize that he’s 41 years of age, and when a fighter has been around so long passes his late 30s and goes into his 40s, he’s not gonna be as good as he was in his prime.
“I wish him the best and I hope he wins the fight but I am concerned, as I would be for any fighter, that when they get to a certain age that they probably should not be fighting anymore.
“You know, I mean, the doctors will tell you that the cranium as you get older, thins out. So a guy that’s younger gets hit and the cranium absorbs the blow so that it doesn’t affect the brain matter.
“When they get older the cranium is thinner, and when you get hit it affects — that would be the worst thing in the world if Manny Pacquiao suffered brain damage at this point.”
Ghimong ehemplo ni Arum ang kaso ni Judah diin nagdugo ang utok niini human ang 11th round stoppage ni Cletus Seldin sa Syracuse sa nakalabay nga semana.
Si Judah miguwa na sab sa ospital, Lunes.
“Zab Judah is a perfect example of how dangerous it is for a guy to continue fighting into his 40s,” ni Arum.
Atubangon ni Pacquiao si Thurman sa Las Vegas karong Hulyo 20.
Biyaheng US
Sa pikas bahin, mobiyahe na sab karong Dominggo padung Estados Unidos si Pacquiao kauban ang tibuok training team aron didto ipadayon ang pagbansay.
Moabante ang Team Pacquiao sa Los Angeles, California diin kauban sab nila ang American guru Freddie Roach.
Didto motutok sa mas bug-at nga pagbansay si Pacman.
“[When] we hit L.A., [the training camp] will be more intense. He will be in shape on time,” ni Justin Fortune, conditioning coach sa Pinoy.