SECTIONS
Tuesday, July 23, 2019
SUPERBALITA DAVAO

Kinsa si Joel Apolinario?

GENERAL SANTOS CITY -- Nakita sa bagang mga sakop ni Pastor Joel Apolinario, founder sa kontrobersiyal nga Kapa Community Ministry International Inc., nga miabot sakay sa usa ka helicopter ug misaka sa entablado aron mamulong sa liboan ka mga supporters nga miyembro niini didto sa Acharon Sports Complex, adlaw’ng Huwebes, Hunyo 13.

Way si bisan kinsang magdahom nga ang kanhi batan-on nga construction worker, kanhi radio technician, nahimong disc jockey (DJ) mikalit kahimong iladong “pastor” ug adunay minilyong magtutuo sa iyang investment scheme nga mohatag og 30-porsiyentong tubo sa ilang salaping “donasyon” sa iyang “ministry.”

Suot ang usa ka kolor puti nga de-kuwelyong Levi’s t-shirt, si Apolinario mitambong sa gi-organisang prayer rally sa iyang mga sakop, kuyog ang asawang si “Madam Reyna,” kinsa gitahong usa ka kanhi magtutudlo sa pampublikong tunghaan.

Kapulisan sa dakbayan, nibana-bana nga mokabat sa 100,000 ngadto 150,000 ka tawo ang mitambong sa rally aron awhagon si Presidente Rodrigo Duterte nga i-konsidera ang desisyon nga sirad-an ang Kapa nga adunay lima ka milyong miyembro.

Si Apolinario nga nagpangedaron og 40 pataas, natawo sa Hinatuan, Surigao del Sur, kinsa matud pa nanginabuhi nga mananagat ug usa ka construction laborer dihang batan-on pa kini, sumala sa usa ka sakop niini nga wa magpaila sa kabalaka nga maapil sa kontrobersiya.

Apan tungod sa talagsaong talento, nahimo si Apolinario nga radio broadcaster sa ilang probinsiya, ug nakapatukod og Kapa cooperative stores sa Bislig City didto sa the Caraga Region niadtong 2015.

Tungod kay gituki sa mga opisyal sa lugar ang maong negusyo, gibalhin niini ang iyang investment scheme sa Rehiyon 12, o sa Soccsksargen, niadtong 2017.

Didto matawo ang bag-ong Kapa headquarters sa lungsod sa Alabel, Sarangani province.

Bisan ang Kapa nagpaila nga usa ka religious organization, apan sumala sa ubang sakop niini nga wa silay simbahan ug sagad sa mga nahimong miyembro mga sakop sa Katoliko Romano.

Paspas nga milambo ang Kapa ug nakabutang pa og mga sangay nga buhatan sa nagkadaiyang dakbayan ug ubang lungsod sa Mindanao, Visayas ug Luzon.

Ang estilong “donasyon” sa salapi nga gipundar sa mga sakop sa Kapa, gihulagway nga nakatabang sa ubang sakop niini tungod kay adunay 30-porsiyentong interes nga ilang ginadawat matag bulan. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph