MAGUINDANAO PROVINCE -- Nangrekrut og mga bag-ong miyembro ang Bangsamoro Islamic Freedom Fighters (BIFF) sa probinsiya ilawom sa grupo ni Shiek Esmail Abdulmalik alyas Kumander Abu Toraife.
Kadaghanan sa gi-rekrut mga batan-on ug uban kanila mga menor de edad.
Mikatag ang taho nga nagdawatan og dako nga pundo ang grupo ni Abdulmalik gikan sa Islamic State of Iraq and Syria (Isis).
Mga terorista nanghambog pa nga dunay bag-ong mga hinagiban sa gubat batok sa militar.
Ang BIFF misaad sa ilang bag-ong mga miyembro nga sila makadawat sa ilang binulan nga suhol ug sa ilang mga pamilya.
Dili pa makompirma sa militar ug kapulisan ang taho sa mga bag-o nga armas sa BIFF apan kini positibo nga nagdani sa bag-ong mga manggugubat ug gibansay sa mga langyaw’ng terorista. (Edgar E. Fuerzas)