ANG Davao Youth Basketball League (DYBL) 2019 mosikad, ala una sa hapon, Hunyo 22 sa SkyGym sa Gaisano Grand Citimall.
Gipresenta sa Red Sports Events ni Rael Diaz, ang DYBL salmutan sa 32 ka tim nga magtigi sa duha ka kategoriya, 16 in cadet ug 16 in junior.
Magtigi sa cadet division ang bracket A - Davao Jones Academy, Ford Academy of the Arts, Philippine Women's College of Davao ug usa ka reserved team; bracket B - Jesus J. Soriano National High School, St. Patrick Math Science School, BSHS, Crossing Bayabas National High School; bracket C - Pablo Lorenzo National High School, Lamb of God Sped Academy, Rizal Memorial Colleges ug reserved team; bracket D - Holy Cross College of Sasa, Calinan National High School, SPC Ulas ug Philippine Nikkei Jin Kai International School.
Ang Assumption College of Davao ug Immanuel School of Davao mga cadet reserved teams diin sila mag-draw lots atol sa opening ceremonies.
Ang PWC, CNHS, SPPCI ug DJA, manguna sa nagkadaiya nilang grupo sa junior category.
Dugang ni Diaz nga ang Liga Pinay magbukas sa Hunyo 22.
Ang girls’ basketball duna say 10 ka teams, diin ang Ateneo de Davao University, PWC, Daniel R. Aguinaldo National High School, ACD ug F. Bustamante National High School (FBNHS) mao pay mikumpirmar.