SUBAY sa hitabo sa pagsirado sa Kapa (Kabus Padatuon) Community Ministry International Inc., nanawagan karon ang Puwersa ng Bayaning Atleta (PBA) party-list ngadto sa katawhan nga mamahimong modangop sa buhatan sa Securities and Exchange Commission (SEC).
Tumong ug tuyo ni PBA party-list Representative Jericho Nograles mo-file og affidavit ang katawhan nga wala nakadawat og "blessing" kon payout aron lig-on ang pagpatabang unya ngadto sa gobyerno sa hisgutanang legal.
"At this point in time ang effect kasi sa pronouncement ng presidente daghan kaayo sa mga investment schemes nga nag-undang sa ilahang 'payout' and that is a clear sign nga ang ilahang investment scheme is not above board and is not legal kay giundang nila," ingon ni Nograles nga nadunggan sa sibyaanan nga dxDC RMN Davao.
Dugang ni Nograles, "Ang mga tao nga nag-invest o nag-'pay in' nga nagahulat then kung wala silay 'payout' then you know na they have been victimized. The only option for you to be protected is you go to the law and in this case you go to the Securities and Exchange Commission."
Sukad sa pagsira sa Kapa wala pa hinuoy midangop sa SEC. Kini ba ang giingon nga 'risk takers' gayod ang mga investors? Ug kay kini man ang nahitabo, nan nakabalo na gayod silang daan sa kapaingnan sa ilang kuwarta.
Apan lamang isipon ang giingong pagka 'risk takers', ang kinahangalan niini, moaksyon na gayod ang katawhan kay dili lang Kapa ang nabutang sa maong isyu, apan daghan pang mga investment groups nga naghinay-hinay na og layas dala ang dakong kantidad sa salapi, daghan na ang nabiktima.
Mintras sayo pa, moaksyon na ang katawhan aron mahunong ang estilo sa pagpangilad ug aron dili na madugangan ang ihap sa mga mabiktima.