Walay payout ang Rigen

Walay payout ang Rigen

LUYO sa abiso ni President Rodrigo Duterte batok sa mga Ponzi-type nga investment firms, ang Rigen Marketing founder John Rigen nagpahibalo Dominggo, Hunyo 16, nga dili una sila mopahigayon og "payout" sa ilang mga investors hangtud nga dili masulbad ang isyu nga ilang gikalambigitan sa Securities and Exchange Commission (SEC).

Kini ang pagpahibalo ni John Rigen pinaagi sa pag-post sa iyang Facebook page nga sa kasamtangan na-delete na sab.

“While we are ready to give the cash incentives to you, Rigen Marketing decides to withhold the release of the cash incentives out of respect and reverence to the order of the Honorable President, His Excellency, Rodrigo Roa Duterte,” tipik sa mensahe ni John Rigen sa iyang post.

Giingon niya nga ang SEC naka-isyu na og Cease and Desist Order (CDO) batok sa Rigen Marketing diin nag-order kini sa pagpahunong sa ilang operasyon.

Bisan paman niini, giingon ni John Rigen nga naa sila'y plano nga moapela sa SEC sa pagwagtang sa CDO.

Kahinumdoman nga si Duterte nagmando sa Criminal Investigation and Detection Group (CIDG), National Bureau of Investigation (NBI), ug Philippine National Police (PNP) sa pagpahunong sa “pyramiding” investment schemes nga naghanyag og dako nga balik sa kuwarta.

Hinuon gipasalig ni John Rigen nga mabalik ang ilang operasyon human sa pagtuman sa mga legalidad ug nagpasalig nga anaa ang kuwarta sa mga investors.

“Rest assured, all your cash incentives are intact and will be released to you as soon as the issues with the regulatory agencies are settled. Your patience and understanding during this trying time in the life of the RiGen Marketing will help me work for more exciting and transformative programs soon. Please join me in this journey.... and together, let us press on, RiGen Nation!” dugang ni John Rigen.

Mayo 24, ang SEC mihatag og advisory batok sa pag-invest sa Rigen Marketing diin ang komisyon nagbutyag nga ang Rigen usa ka “fraudulent investment scheme” kun "pagpangilad".

“The public is hereby advised to exercise caution in investing their money in these types of schemes which may also turn out to be fraudulent investment schemes, involving the sale of unregistered securities,” suma sa advisory.

Ang Rigen usa ka kompanya nga nagsugod ug nakabase sa Tagum City, Davao del Norte ug milapad kini padung sa Davao Oriental, Occidental, Davao del Sur, General Santos City, ug uban pang mga kasikbit nga lugar.

Sumala pa nga ang Rigen naghanyag og 400 percent nga tubo sa salapi sud sa "30 days" ug giingong gipadagan sa “Big Players” sa Forex ug sa Crypto-currency Trading nga lisensyado sa nasud Singapore.

“Where the scheme involves the sale of securities to the public, SRC requires that the issuing person and or entity must be a registered corporation with SEC, the said securities offered are duly registered and that the appropriate license and or permit to sell securities to the public are issued to the corporation and or its agents, pursuant to the provisions of section 8 and 28 of the SRC,” dugang sa advisory.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph