LUYO sa daghang nanggawas nga mga impormasyon labi na sa text sa paggamit sa pangalan ni Police Regional Office (PRO)-Davao Region director Police Brigadier Marcelo Morales, ang ahensya nagbutyag nga dili kini tinuod.
Giingon nga dunay mga nagkatag nga mga mensahe gamit ang cellphone sa pamaagi sa pagpangilkil diin gigamit ang pangalan ni Morales.
Gawas kang Morales, nasuta sab sa awtoridad nga gigamit ang pipila ka pangalan sa dagkong opisyal sa kapulisan sa ilang mga dapit.
"With this, PRO-Davao Region would like to inform that Police Brigadier General Morales did not authorize anyone to use his name and refutes this hoax text messages spreading online as malicious," tipik sa pamahayag sa PRO-Davao Region.
Tungod niini gipahimangnoan sa kapulisan ang katawhan nga gilayong mosumbong sa pinakaduol nga buhatan sa pulis kun makasinati sa susama niini nga modus operandi aron gilayon kining maaksyonan.
"Likewise, he asks the public to fully support the Philippine National Police in the campaign against similar scams and provide relevant information immediately to the nearest police stations or through PRO-Davao Region Hotline Number (09985987026), our social media account (Pulis Rehiyon Onse 11) or you can report it directly to the Regional Director's Office thru email address ordpro11@yahoo.com and Telefax (082) 234 8660," sumpay sa pahimangno sa kapulisan sa rehiyon.