ANG Department of Social Welfare and Dvelopment (DSWD) nihatag og gahom sa katawhan pinaagi sa Sustainable Livelihood Program (SLP).
Una sa Sugbo, sumala ni Ginang Rizalina L. Patindol, regional coordinator sa SLP, ang Electric Sikad Project o ESIKAD gihatag ngadto sa Cabecera de Argao ESikad SLP Association diin gihimo ang turn-over ceremony niadtong Hunyo 12, 2019.
Gipahaom kini sa kasaulogan sa Adlaw sa Kagawasan sa nasod, aron pagtabang sa mga kabus na mahaw-as sa kalisod ug mahimong gawasnon sa ilang panginabuhi.
Amg 24 nga malipayong partisipante sa SLP nakadawat sa mabulukong green-colored ESikad.
Usa kini ka battery-charged nga sakyanan nga maghimo sa drayber nga mas relaxed ug hygienic human dili na kini sikaran ug busa wala dakong singot.
Kabahin sa package, ang SLP participants gihatagan og t-shirts ug headgears alang sa ilang uniform aron mailhan nga sakop sa asosasyon.
Dunay lectures bahin sa personal hygiene ug orientation on traffic rules and regulations ang gipahigayon.
“I am extremely happy that the association already received the 24 units of ESikad,” matod ni Patindol.
Si Mayor Stanley S. Caminero nipahinumdom sa mga benepisaryo sa pag-atan sa ilang units, pagtahod sa mga pasahero ug pagmintinar sa kalimpyo.
Siya nagpasalamat ngadto sa DSWD alang sa opurtunidad sa iyang igsuong Argaoanons.
Uban sa ESikad ug maayong panglantaw sa kinabuhi, matod sa mayor, ang mga benepisaryo makatabang o dako sa pagpalambo sa turismo sa Argao, gawas nga mapalambo ang ilang tagsatagsa ka kinabuhi ug moumento ang ilang pagpuyo. (PR)