Dear Papa Joe,
Tawga lang ko sa pangalan nga April, single mom, 26 anyos na ang panuigon ug naa ko karon sa Taiwan nag trabaho isip factory worker. Single mom kompero wala nako akong anak kay naa sa iyang papa. Mag 5 years old na ang bata.
Ako ang nibiya sa akong ex ug gibilin nako ang bata niya. Maora ba maora og sa kalit lang na shock ko sa mga desisyon nga nahimo nako nga makaingon ko bata pa ko. Mao nga nanimpad ko karon sa Taiwan.Tulo na katuig ang nakalabay sukad gibiyaan nako sila. Ako untang gusto nga inig human sa kontrata, kuhaon nako akong anak.
Pwede ba nako makuha ang bata nga ako man ang nibiya? Gusto sa papa nga magbalik mi pero nawala naman gyud akong gugma niya kay tan-aw nako wa koy ugma niya kay di ing ana ka nindot iyang trabaho. Palihug tambagi ko.
APRIL
April,
Sa balaod, makuha man nimo ang bata technically kay di man mo kasado. Naa gyud na nimo ang katungod bisan ikaw pa ang nibiya kay sa akong nasabtan (pwede sayop ko) sa mama gyud na basa illegitimate ang bata. Pero hunahunaa di ka ba makonsensya sa imong gusto human gibyaan nimo sila.
Nakagamot na ang pagbati sa bata sa papa nga maoy kuyog niya permi.Di kaha na maka apekto sa iyang pagdako? Usa pa, ayaw sag ingon ana pagtan aw sa imong ex. Hunahunaa, nakaya niya pagbuhi sa inyong anak nga siya ra. Ang bola lingin. Meaning di ta sure ing ana siya forever. Kana lang sa, Day, ug daghang salamat.
PAPA JOE
(sa inyong tampo ipadala sa papajoesuperb@gmail.com)