7 ka pamilya nasunogan sa Initao

UGDAW ang panimalay sa pito ka pamilya nga gilangkoban sa 30 ka mga indibidwal niadtong niaging semana sa Barangay Pagahan, lungsod sa Initao, Misamis Oriental.

Dili pa masuta sa Bureau of Fire Protection (BFP) ang hinungdan sa pag-ulbo sa kayo labina padayon pa ang imbestigasyon.

Gama sa uga nga mga materyales ang mga puloy-anan sa mga residente hinungdan nga paspas nga mitapot ang kayo sa kabalayan.

Nireklamo sab ang mga residente sa giingong kalangan sa pagresponde sa mga bombero.

"Niabot sila pero naugdaw na ang mga balay," dismayadong pahayag sa usa sa nasunogan.

Human sa pagkasunog nagpaabot sab dayon og ayuda ang kagamhan sa probinsya sa Misamis Oriental pinanguhanan sa Provincial Social Welfare Development Office (PSWDO); Provincial Risk Reduction Management Department (PDRRMD) ug Misamis Oriental Care System.

Ang PSWD miingon nga gawas sa mga relief supplies sa mga nasunogan gikatakda sab nilang ihatag ang financial assistance ngadto sa mga nasunogan.