NAWAD-AN og gana si Presidente Rodrigo Duterte human nagpapili pa kaniadto gumikan sa gi-atubang nga mga problema sa nasud ilabi na ang druga ug korapsiyon atol sa pagbisita sa siyudad sa Cagayan de Oro.
Giingong usa niini ang adunay anomaliya nga pagpamalit og mga medisina sa Armed Forces of the Philippines (AFP) sa usa ka medical center ug pagsulod sa kasabotan sa Nayong Pilipino Foundation Inc. (NPFI).
Gibutyag sab ni Duterte nga nahutdan kini og pasensiya rason nga magsige og pamalikas ilabi na sa giingong korapsiyon sa Military lakip na ghost deliveries nga mga medisina alang sa mga kasundalohan.
“Mao ng ako nawad-an kog gana sa tinuod lang, ang akong gipangbutang ngadto gihatag nila ang usa ka parte nga lote sa Nayong Pilipino unya they allowed a casino to be erected there inside without a public bidding, nisurok akong dugo. Magsige kog pamalikas, tagaan kag problema, what is the essence of a casino inside sa Nayong Pilipino? Nganong ibutang man nimo diha? How stupid,” matud ni Duterte.
Atol sa command conference sa militariya ug kapolisan, gihagit ni Duterte pag patindong ang mga grupo sa Army, Navy, Philippine National Police, ug Airforce aron pagpasabot nga gusto niini moluwat sa katungdanan.
Kini hinungdan sa grabi nga kapungot sa presidente dihang nasayran ang giingong ghost deliveries sa nga medisina sa kasundalohan.
“Tindog mo kay mo-resign ko wala ko magkinahanglan ani nga trabahoa put*ng in*, maghago ka, nawad-an kog ganang motrababaho, actually nagmahay gyud ko, nagmahay kog dagan kog presidente,” dugang niini.
Nasayran nga dunay mga gipanglangkat sa serbisyo si Duterte tungod sa maong anomaliya nga transaksiyon.