SUPERBALITA CAGAYAN DE ORO

2 anyos bata napalgang patay

GIKAKURAT og maayo sa usa ka 22 anyos nga dalaga dihang nadiskubrehan ang patay nga lawas sa dos anyos nga bata sulod sa tub sa kusina sa gi-abangan nga boarding house alas 7:40 sa gabii Miyerkules, Hunyo 12 sa San Vicente, Baybay, Barangay Casinglot, lungsod sa Tagoloan, Misamis Oriental.

Kini human makit-an sa usa ka Jessa Flor Jarabe, residente sa dapit kinsa nisaysay nga manghugas unta siya og plato dihang pag-abli ug pag kalos niini og tubig sa tub bugtong tiil sa bata ang iyang nakit-an hinungdan sa daling pagtawag og tabang niini sa iyang mga kauban sa boarding house.

Dali nga gidala ang dos anyos nga si Renz Gubat sa St. Paul Hospital sa maong lungsod apan dead on arrival kining gideklarar sa mga doktor.

Matud sa ginikanan sa biktima, namatikdan pa nila and dos anyos nga nagduwa sulod sa Baja passenger cab kuyog ang iyang 10 anyos nga igsuon samtang nagluto ang inahan niini sa ilang panihapon.

Apan, 10 minutos na ang milabay sa pagpangita sa nawala nga dos anyos nga bata ug nadiskubrehan nga anaa na kini sulod sa tub.

Dako ang pagtuo sa pamilya sa biktima nga gilumsan ug gipatay ang bata tungod kay layo ang gigikanan niini sa aktwal nga lugar diin siya napalgang patay.

Gituohang adunay nagdala sa biktima usa gihimo ang krimen hilabina nga gitakloban ang tub usa kini nadiskubre.

Matud sa Chief sa Women and Children Protection Desk (WCPD), sa Tagoloan Police Station, Police Corporal Jackilou Malagamba, nga adunay kalambigitan sa foul play ang kamatayon sa bata.

Kini base sa ilang pag analisar nga plastar ang posisyon sa ulo ug tiil sa bata ug himabaw sa baba ug ilong ang kadaghanon sa tubig dihang nadiskubrehan kini sulod sa tub.

Hinoun adunay mga person of interest nga giimbestigahan mahitungod sa insidente.

Apan, ang patay’ng lawas sa bata gipaubos og otopsiya Dominggo, Hunyo 16 aron pagsuta kon unsay rason sa kamatayon niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph